أببدي بذكر الخالق المعطي المنان = جزيل العطا اللي ساعت الضيق يلجاله
لعله يجنبني عن الزور والبهتان =وهدف كلمة ٍمن قالها تحبط اعماله
بعد ماانتهى شعبان واللي ورا شعبان =دعانا العطاوي للمزاين وجيناله
أجبت لندا تركي وانا من وفاه امدان =رفيق ٍ عزيز الله يكثر من امثاله
وانا مقصدي يوم أذكره واشكره عرفان=مابي مبلغ ٍ من مال ربعه ولاماله
دعانا وجينا يوم وقت المزاين حان =ومعي من قبيلة حرب لعتيبه رساله
تهاني وباقاة ٍ من الورد والريحان =وسلام ٍ عدد مالحن الطير مواله
واعداد النجوم المرقبه والدبى الحنان =وحقوق الغشين الياتساقط من خياله
يسوقه هوا الغربي بقدرة رفيع الشأن=وعقب ماتكامل هب شرقي وارساله
على كل شبر امن القضيمه اليا الظهران =عن الارض عشر ايام ماكف هماله
على المهرجان اللي تشعل النيران =والانوار توضي والمواطير شغاله
والآشبال قدمه بالمداخن على البيبان =ترحب وهذي من عوايد هل الطاله
هذي عادة العتبان ياجاهل العتبان = تكلل جهود اللي بنفسه يوراله
أهل لطمة العايل وذبحة سمان الضآن =تضد الخصيم وضيفها تكرم اسباله
زمان ٍ مضى يوم القبايل ماهم بخوان = يرد البرا حتى البناخي على خاله
تعيش السباع الشهب والطير أبو جنحان =على جرة الهيلا الياجات منهاله
طويل الذراع اللي تدرق به الفرسان =تسابق يمانيهم على شرب فنجاله
وانا لابتي عن غيرها مابها نقصان =تدوس الصعيب وقمة المجد ترقاله
على الخصم ثقل طويق مترامي الجيلان =رفيع الحجى صعب ٍ طلوعه ومنزاله
ترد البرا حتى على الحاكم السلطان =تشن الهجوم بكل دار وتصداله
وحدينا القبايل باللويصق وبالفسقان =عن الوادي اللي ترغب الخور مدهاله
على اللي نواصيهن تقادح تقل صوان =تحت كل شبل ٍ يرهب القوم مدكاله
ولها معجزات ٍ والمثايل لها برهان = بها نفلج المنكر الياحط معداله
وجميع القبايل ماننقص لها ميزان =يقول المثل كل ٍ مكفيته افعاله
تطرقت وقت ٍ كان يوم العرب عدوان =زمان ٍ بعض حال العرب فيه يرثاله
تلاشا وبان الحق واخزى الله الشيطان =بدى النور يشرق والجهل جاه من زاله
حكمنا الحكيم اللي من الشرق نوره بان =نظيف الضمير اللي وسام الشرف ناله
بنى دولة ٍ عظمى ودستورها القران =وعقب مارحل سارو على نهجه عياله
تحت حكمهم مافيه خايف ولاجيعان =الارزاق ماجوده والاسعار منطاله
واعداد مازمت رووس الزماليق بالريضان =صلاة الله الباري على المصطفى وآله

المشاركة الأصلية كتبت بواسطة فهيد الرويس (المشاركة 470826) صح السان الشاعر القدير عبدالله بن زويبن وهو اشهر من النار فوق العلم ولو ان الاعلام لم يفي بحق هذا الشاعر * ومشكور ياراعي العرف ولا يستغرب هذا الشعور الطيب من قبيله مثل حرابة الدول فهي من القبايل العزيزه على قلوبنا من غير قصور في باقي القبايل تحيتي لشخصك الكريم

المشاركة الأصلية كتبت بواسطة راع العرف (المشاركة 470814) السلام عليكم ورحمة الله وبركاته تـــــــلقى الشاعر عبد الله بن زويبن الحربي دعوه لحضور حفل مزاين عتيبه وقد لبا الدعوه وحضر والقى هذه القصيده بالمناسبه وانقلها لكم اتمنى ان تستمتعوا بها.. أببدي بذكر الخالق المعطي المنان = جزيل العطا اللي ساعت الضيق يلجاله لعله يجنبني عن الزور والبهتان =وهدف كلمة ٍمن قالها تحبط اعماله بعد ماانتهى شعبان واللي ورا شعبان =دعانا العطاوي للمزاين وجيناله أجبت لندا تركي وانا من وفاه امدان =رفيق ٍ عزيز الله يكثر من امثاله وانا مقصدي يوم أذكره واشكره عرفان=مابي مبلغ ٍ من مال ربعه ولاماله دعانا وجينا يوم وقت المزاين حان =ومعي من قبيلة حرب لعتيبه رساله تهاني وباقاة ٍ من الورد والريحان =وسلام ٍ عدد مالحن الطير مواله واعداد النجوم المرقبه والدبى الحنان =وحقوق الغشين الياتساقط من خياله يسوقه هوا الغربي بقدرة رفيع الشأن=وعقب ماتكامل هب شرقي وارساله على كل شبر امن القضيمه اليا الظهران =عن الارض عشر ايام ماكف هماله على المهرجان اللي تشعل النيران =والانوار توضي والمواطير شغاله والآشبال قدمه بالمداخن على البيبان =ترحب وهذي من عوايد هل الطاله هذي عادة العتبان ياجاهل العتبان = تكلل جهود اللي بنفسه يوراله أهل لطمة العايل وذبحة سمان الضآن =تضد الخصيم وضيفها تكرم اسباله زمان ٍ مضى يوم القبايل ماهم بخوان = يرد البرا حتى البناخي على خاله تعيش السباع الشهب والطير أبو جنحان =على جرة الهيلا الياجات منهاله طويل الذراع اللي تدرق به الفرسان =تسابق يمانيهم على شرب فنجاله وانا لابتي عن غيرها مابها نقصان =تدوس الصعيب وقمة المجد ترقاله على الخصم ثقل طويق مترامي الجيلان =رفيع الحجى صعب ٍ طلوعه ومنزاله ترد البرا حتى على الحاكم السلطان =تشن الهجوم بكل دار وتصداله وحدينا القبايل باللويصق وبالفسقان =عن الوادي اللي ترغب الخور مدهاله على اللي نواصيهن تقادح تقل صوان =تحت كل شبل ٍ يرهب القوم مدكاله ولها معجزات ٍ والمثايل لها برهان = بها نفلج المنكر الياحط معداله وجميع القبايل ماننقص لها ميزان =يقول المثل كل ٍ مكفيته افعاله تطرقت وقت ٍ كان يوم العرب عدوان =زمان ٍ بعض حال العرب فيه يرثاله تلاشا وبان الحق واخزى الله الشيطان =بدى النور يشرق والجهل جاه من زاله حكمنا الحكيم اللي من الشرق نوره بان =نظيف الضمير اللي وسام الشرف ناله بنى دولة ٍ عظمى ودستورها القران =وعقب مارحل سارو على نهجه عياله تحت حكمهم مافيه خايف ولاجيعان =الارزاق ماجوده والاسعار منطاله واعداد مازمت رووس الزماليق بالريضان =صلاة الله الباري على المصطفى وآله تحياتي راع العرف