يا مرحبا ترحيب مقرون بالطيـب = بضيوفنا اللي قبل فتـرة معازيـب
يوم أعزمونا في مزايـن عتيبـة = استقبلونـا بالشحـم والتراحيـب
انتـم عتيبـة طيبـكم وارثيـنـه = مثل الحرار اللي برؤس المراقيـب
تاريخكم من يوم عصر الصحابـه = وافعولكم ما تقبل الشـك والريـب
يا نعم والله يـا رجـال المواقـف = اليا عوى ذئب الخطر في المجاذيب
انتم هل الفزعات نخـوة وشيمـة = بالعرف والا بالسيوف المحاديـب
وحنا البقوم أهل العلوم الجزيلـه = نارد ليا منه عوى الذئـب للذئـب
اليا احتزمنـا واعتزينـا وردنـا = ما نشرب الا من قراح المشاريـب
لا جالت فعول القبايـل وصالـت = حنا البقـوم مدركيـن المطاليـب
يا مرحبا عـن عزوتـي بالنيابـه = سمو البقوم مكمليـن المواجيـب
الله يحييكـم عـدد مـا مشيتـوا = ويضا عدد ما تطلع الشمس وتغيب
من غير ناقص في جميع القبايـل = عادات ربعي تجزي الطيب بالطيب

المشاركة الأصلية كتبت بواسطة :: الغــربــي :: (المشاركة 480688) اخوي حمود غنام الروقي لاهنت على نقل القصيده وصح لسان قيلها

أخوي الغربي يسعد أوقاتك

القصيدة لي القيتها أمام الحفل

وأنا لم انقلها من أي احد أو مكان

صح بدنك برق الذيب

ما عليكم زود يامال العافية

تسلم وتدوم أخوي فيصل

الله يعطيك العافية

شكري وتقديري

لشخصك الكريم

مشكور على المرور

أخوي شاعر برقا

دام وجودك