ضحكتي لي وهزيتي كياني = وبينتي ثناياك وغمزتي
وأنا قمت أرتعد خوف وفرحة = وأبادلك المشاعر لو سمحتي
وعتيني وياما أكثر وعودك = ولا حققتي من الوعد سنتي
وأنا ألي راسم خطة حياتي = وغيرتي مسار الخطة أنتي
وحسبك ما عرفتي غيري أنا = وثأرك بألعشاشيق أفتتنني
عرفتك بعد ما تعبت ذلولي = سلمت من الخطأ ونتي سلمتي
ولو طاوعت شوقي وندفا عي = ضلمت النفس يوم أنتي ظلمتي
ولا حققت شي تطلبينه = ولو في كل ماعندي طمعتي
أنا عاصمني الله من ذنوبك = أروح بعيد لاشفتك قربتي
وأنا دوبي تهنيت بمنامي = رقدت الليل ونتي ما رقدتي
بعد مليت منك ومن غرورك = وخليتك على حدك وقفتي
معاد أرحمك لو سالت دموعك = وباحاربك لو كان انهزمتي

الشاعر / خضر بن عطالله الزايدي