تسري بي الأفكار في راس قرناس = و أبعد عن الصجة و قيل ٍ و قالي
في راس مرقابٍ بعيدٍ عن الناس = في مرقبٍ عالي وحيدٍ لحالي
تذري عليّـه من هواء النود نسناس = ينشط لها فكري وحالي و بالي
و أسجل أبياتي على صفح قرطاس = مما حوى فكري على ما طرالي
يا طيبين الساس ما للردى ساس = بين الرجال أهل الوفاء و الكمالي
اللي لهم في صفحة الطيب نبراس = نبراس نوره مثل نور الهلالي
أفعالهم فيها شهامه و نوماس = يا حيّـها بالفعل روس الرجالي
و يا هيييه ياللي معتلي قب الأفراس = من دون سرج و متْجه للضلالي
في صفنا ما به خبيثين الأجناس = أهل النميمة و العقول الجهالي
اللي سوالفهم مثل حد الأمواس = بظهور خلق الله تشد الرحالي
أفعالهم من دون تفكير و قياس = تضحك بوجهك و البلا فالتوالي
رديان قول و فعل و الوضع محتاس = سقم العقول امقطعين الحبالي
نشري رفيقٍ رفقته ترفع الراس = مكسب و طيب ورفقته راس مالي
ولاّ الردي ماله ترى غير الافلاس = ولا ينشري رفقة بقرش و ريالي
ولا باس يا صدري من الهم لا باس = لا بد ما تصبر على ما جرالي

المشاركة الأصلية كتبت بواسطة رايدالجعيد (المشاركة 515699) تسري بي الأفكار في راس قرناس = و أبعد عن الصجة و قيل ٍ و قالي في راس مرقابٍ بعيدٍ عن الناس = في مرقبٍ عالي وحيدٍ لحالي تذري عليّـه من هواء النود نسناس = ينشط لها فكري وحالي و بالي