الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصة وقصيدة (http://www.otaibah.net/m/forumdisplay.php?f=6)
-   -   قصة وأبيات جميلة جدا (وأنت الحكم) (http://www.otaibah.net/m/showthread.php?t=59593)

صدوق المخايل 27-Jan-2008 02:39 PM

قصة وأبيات جميلة جدا (وأنت الحكم)
 
السلام عليكم ورحمة الله وبركاته: هذه قصة أعجبتني وأردت أن أشارككم بها وهي تدور حول رجل اسمه عايز من قبيلة الزراريق من عتيبة جارت عليه الدنيا وحدته الحاجة انه ينصى واحد من بني عمه الزراريق (خواله الهبشان من ذوي عالي)وكان اسمه رشيد وكان صاحب مال وفير لكنه للأسف طلع ردي وبخيل (وهذه ملاحظة مهمه :ان الردي كل الأطراف تتبرأ منه سواء أبناء عمومته أو خواله وكل طرف ينفي الصلة برداه ويرميه على الطرف الآخر) المهم ان عايز هذا بعد ماصده رشيد ولاقضى حاجته رجع لبيته وشب ناره وتهيض بالقصيدة هذي:


هيض عليه يوم انا نازل لحالـي فالخـلا=نازل لحالي مامعي معزا ولا لـي ضانيـا
ياكود عشر من الغنم في عدهن عشر سوا=لو اجتلبها في مراحي ماقضت لي شانيـا
ويابوي ياكم ليلة شبيـت نـاري فالعشـا=سويت لي فنجال كايف لو مني ضرمانيـا
قلته وانا ربعي ذوي زراق حاميـن القـرا=ربعي ذوي زراق اهل ضين كما الربانيـا
اقول والشرهة على اللي مرزقه فيه الضفا=مثل الهبيش اللي تـردى ميـت النيرانيـا
يقول ليه مرجله وابـوك يامـال الخطـا=لافايد المحتاج مـن ربعـه ولا شبعانيـا
مايسقي الضميان عد فوق ضباح الصفـا=عد على صم الصفا مايسقـي الضميانيـا
لايحسبنا نانموت المـوت مـاأدري متـى=يموت من تقصر شبوحه عن هذا والثانيـا



مشت القصيدة مع الناس وصاروا يقولون (مثل الهبيش اللي تردى ميت النيرانيا)ويرددونها وسمعها واحد من الهبشان من ذوي عالي يقاله عارف بن موصوص ورد عليها يقول:



ياراكب حمرا موجهـة علـى قـد النحـا=وان جيت احليها كما ذيب الخلا سرحانيـا
مسراحها من كشب واللازم ورا راس القرا=وتلفين عايز في جلال مدسـم الضيفانيـا
تلقى منازيله ليامنـه نـزل راعـي نحـا=اليا نزل ينزل من الهضبة اليـا العدلانيـا
نادى ولد عمه رشيد اللي وزانه باسمنـا=وانا اسمنا ماارضى عليه برجحة الميزانيا
هوه بناخينا ليامنه على على الغيبه حمـا=وان ماحمى حنا حماية بـارد الذرعانيـا
وان ماحمانا يالعـل تـرداه حمـى الوبـا=تاخذ عليه الثلث حوليـة وترجـع ثانيـا
وان كان جايه نسر خايع مايجي من يمنا=تقفره تلقى عليـه مـن النسـور الثانيـا
قعدت له فالريع واليا مشيته فيها الرخـى=وابطى علي ورحت انا في لازمي عجلانيا
مايحتمل عود البكاة اليا دخل فيـه النـدى=الحاتها تنطف حليـب وعودهـا خرثانيـا
وان سلتني خاله شعيل الحر مقطوع الغيا=واخاف من هرج يسير به مـع العربانيـا





وسلامتكم.

@ـايل 27-Jan-2008 02:42 PM

اخوي صدوق المخايل لاهنت وقواك الله

اشكرك على القصيده والقصه الطيبه والتي تحكي

معاناة رجل من رجال القبيله رحمهم الله في رحمته

اخوي صدوق الله يعافيك والى الامام

صدوق المخايل 27-Jan-2008 06:15 PM

عافاك الله ياولد العم / هـايـل الـعـتـيـبـي : شاكر لك مرورك الجميل وتفاعلك الطيب.

سفن اب 27-Jan-2008 06:29 PM

عافاك الله ياولد العم / هـايـل الـعـتـيـبـي : شاكر لك مرورك الجميل وتفاعلك الطيب.

@ـايل 27-Jan-2008 06:31 PM

اخوي سفن اب الانتعاش الموضوع مهو لي حق صدوق المخايل

وانا واياه اخوان مافيه فرق ان شاء الله

عافاك الله ولاهنت

محب الهيلا 27-Jan-2008 06:48 PM

مشكور وماقصرت علىالقصة والقصيدة

عبدالرحمن الهيلوم 27-Jan-2008 07:47 PM

اتمني ان تكون صدوق ياصدوق المخايل !!!
مواضيعك التي حذفت من اول مشاركاتك !!! تثير امور انت بها ادري !!


عموما مشكور علي القصيد يالغالي

Man من العتبان 29-Jan-2008 03:26 AM

مشكور وماقصرت على القصه و القصيده الرائعه

صدوق المخايل 30-Jan-2008 10:49 AM

أخي العزيز/ سفن اب : الظاهر من كثر روقانك نسخت تعليق غيرك عشان مانت فاضي تكتب عموماً مشكور وماقصرت على المشاركة.

صدوق المخايل 30-Jan-2008 10:52 AM

العفووووووووو أخي الكريم / محب الهيلا : جزاك الله خير وشاكر لك مرورك الجميل.


الساعة الآن »02:05 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd