مدري غيابك صعب وألا مستحيل=أقولها وأصد عن ذكر الجواب
راح الكثير ولا بقي غير القليل=وأنا أدري إنك يالخطى غير الصواب
يا ليل زيد شوي مشواري طويل=للغايب اللي ماعرفنا ليش غاب
مع البخيل ونكبة العشق البخيل=يمكن تموت من الغبن والأكتئاب
يا قلب وصيتك لكن ما فيك حيل=لا تحسبن العمر كله للشباب
وانته تقول الخطوه تجيب الف ميل= اتعبتني واتعبت رجلي للسراب
حسبي عليك الله وا نعم الوكيل=أقفل عليك الباب وأنت تفك باب
حالك كذا لو راح جيل وحل جيل=العشق حطك بين ضرس وبين ناب
ما لوم قلبي فيك يالطرف الكحيل= وإن لمت قلبي بيني وبينه حساب
يوم أعتقد مالي معا غيرك بديل= شوفتك تغني عن طعام وعن شراب
الضحكه اللي مالها شبه ومثيل =والوصف فيه أنواع ما لذ وطآب
واليوم غاب وكان نيته الرحيل=وانا على شانه تحديت الصعاب
صديت عنه ولا عن الصده سبيل=والله وكيله والبنادم من تراب

ما لوم قلبي فيك يالطرف الكحيل
وإن لمت قلبي بيني وبينه حساب
يوم أعتقد مالي معا غيرك بديل
شوفتك تغني عن طعام وعن شراب


صح لسانك وقصيدة جزله