الهيـــــــــــــلا *** منتدى قبيلة عتيبة - مساجله بيني وبين المطيري,,,,,,,

هذه المساجله بيني وبين الشاعر نايف بندر المطيري اقدمها بين

ايديكم علها ان تحوز رضاكم...

ارسلي نايف المطيري هذه القصيده:

وهـــــــــــــذا ردي عليه:

ياراكب اللي ماضرى بالمطاريش=جيبٍ جديدٍمن حفيز الوكاله
لادق سلفه مايجيله خرافيش=من صنعة اليابان صعبٍ مناله
تمشي به الطبلون كنه على شويش=راسي على خطه شديد البساله
منصاك رجلٍ مايجيب العراميش=لابالله الا جاب كل الجزاله
نايف ولد بندر زبون المباليش=من روس قومٍ وارثين الشكاله
سلم له المرسول وافي بلا طيش=من راس شاعر مايجيب الحثاله
واوضح له المكتوب من غيرتربيش=قله ترا سلطان كله جماله
يفرح بمكتوبك ولاجاه تطنيش=ولايذكر الكلمه ويوم المقاله
والشعر يانايف حصل فيه تشويش=كلٍ يجيب البيت في غير جاله
حتى ولو انه رمع فيه حتيش=وحتيش لوانه بغاه وعنى له
الطير مايكفخ بلاضفة الريش=والذيب ماهرول يريد الهزاله
وان كان ناوي دار شرابة الشيش=ناسٍ على الفطره وجاهم ضلاله
كانو على فتح الاراضي عواطيش=وكانو هل الدعوه ورمز الاصاله
ودك بالارض اللي غشاها تراشيش=في خايعٍ ماشيف حوله بداله
والا الفياض اللي لها صدرك يجيش=اللي لها قلبك يجيه استماله
اركب على اللي مايجيله تناتيش=وانس الخيال اللي يروح خياله
ثم سم باللي خابرٍقصدنا ويش=قدم النهار وقبل مدة ضلاله
ثم قفل الجوال مع فصلة الفيش=من شان ماتبلش بكثراتصاله
واللاش خله مع جميع الدراويش=وانا خويك فالامور الجلاله
ربعي هل الوقفات هم مقدم الجيش=اولاد ثابت داحرين الجهاله
والقاف لوانك بنيته على ايش=لاجيب مندوبه واوصل كماله
وختامها صلو على نقوة قريش=محمدرسول الله وكلي فداله

,,,,,,, وسلامة قلوبكم,,,,,,,,,