اين المروءه
 

فواز الروقي يقول الاعلام ظلم عبدالله بن دبسان الشيباني المعروف بلقب شاعر الحكمه
وشاعر الحكمه يقول انا ليس بحاجه الى اوهام الاحلام وليس الاعلام


قال بن دبسان يارب الهدايه
يامعين النفس ياخالق بدلها
ليت للدنيا على كفي مرايه
لين بعض الناس اوريها عملها
اصبح الرجال يعرف بالدعايه
والزمان الشين شيمتنا قتلها
ياعتيبه جاوبيني في ندايه
مايشوف الذاهبه ياكود اهلها
المروه عودت مثل الروايه
من وجيه الناس مدري من غسلها
اليتيمه جت حكايتها حكايه
اليتيمه من يوريني جملها
يوم اغني القاف لي بالقاف غايه
كود بعض الناس ترشد عن جهلها
يابشر كيف البدايه والنهاية
العتيبي طيب الحكمه فتلها
شفت لي رجال يلبس ثوب صايه
لحيته لامر في المجلس نسلها
ينطق النمات قدمي ثم ورايه
كل من قفى قفا رجله واكلها
والضعيف ضعيف ماياصل مدايه
كلمته لوقالها عندي بدلها 0

حكمة شاعر الحكمه
عبدالله بن دبسان بن دوخي الشيباني
وهو يطالب كل ذي عقلا ناضج
بالردود على هذه الحكمه

شكرا وموفق وصحت السنتكم