قوم ياتركي الالفين جـر اللحـن = السماء فيه غيمه والبحر فيه حوت
كل واحد يحب يصير شاعر وطن = المصيبه خلف هذال عيـا يمـوت

العلـوم الجزيلـة تنشـرى بالثمـن = لاتصوت وأنا واصلك من غير صوت
الزلامـي يابوخالـد ذبحـة الغبـن = مير لة كرت أحمر من خيار الكروت

اصل مامعك من دنياك غير الكفن = انطح القوم قدام المراجل تفـوت
واحمدلله بعد جاتك بتالي الزمـن = اعتبرها هدية من كبار البخـوت

ماتقاد الذلـول الا بـراس الرسـن = وانت مدري تعرف العلم والا يفـوت
يارشيد الزلامـي لاتسـوق الضعـن = مايجي في المناصب غير قوم البشوت

كارثة كارثة منهـا الخواجـة رطـن = قالوا اسكت ياميدر قال صعب السكوت
انت حطيت راسك بين وفـد اليمـن = مير يحتاج لك خنجر وعمـة وكـوت

هكـذا الوقـت والأيــام ماتنضـمـن = كم يهـدم بيـوت وكـم يعمـر بيـوت
وانت في ماضي الايـام رحـت لعـدن = رحت من غير قوت وجيت من غير قوت

اشحنوها وجاتك عن طريق الشحـن = واثبتوا معك حمران النواظر ثبـوت
ويش تاكل حلاوة ويش تشرب لبـن = جاك وقت الدداسن راح وقت الفروت

انت سببـت مابيـن القبايـل فتـن = والمصيبة ما ضويت لك غتره وكوت