سلام الله سلام الصاحب اللي يعرف الاصحاب = على الغلبا هل الوديـان وسبيـع الحداريـه
نحاول فالزمان المستحيل ونبـذل الاسبـاب = وصار اسلاحنا الفتاك طيـب العـزم والنيـه

هلا بالناطق الرسمي عن اهل الماقف الغصاب = عن الهيلا وهـاذي كلمـةٍ ماهيـب سريـه
وكلٍ يعرف عتيبه من الاصحـاب والاجنـاب = وش اللي مستحيل وكايـدك ياحامـي الهيـه

ترا للوقوف آداب مثل ماللجلـوس آداب = ولانامرك تاقف وقفةٍ ماهيـب شرعيـه
ذبحنا الحيه الرقطا عليكم تذبحون الداب = وانا ماشوف فرق بعيد بين الداب والحيه

يازينك ياجناح الحر لآشرف علـى المرقـاب = تقول انه قمر من عرض الاقمـار الصناعيـه
لاجيت انسا عصى موسى يذكرني بها المشعاب = ذبـح حيـه وباقـي حيـةٍ ماهـي طبيعـيـه

خوالي ياخوالي ياهل الاحساب والانسـاب = درينا بالحقايق عبـر الاحـداث الحقيقيـه
تحيزمتوا جميع بسيف ابوطالب ورمح ذياب = ونسبة نصركم فالمعركه عشريـن فالميـه

بلانا الليل الاسود والقمر من طيب حظك غاب = وسدينـا عليـك الريـع خيالـه ورجلـيـه
وسندت الشعيب اللي تقطع دونـه الاسبـاب = حشرناك وحشرك الله بيـن الذيـب ووخيـه

نعلم مانعلم لايزال الجهل فالأعـراب = يبون يناطحون بروسهم غارات جويه
ياجاهلنا بداية حربنا تثويرة الاعصاب = وخاتمته مانترك فالبسيطه كاينه حيه

ترانا مسلميـن وعلمنـا مايفـرق الاحبـاب = وبعض الناس تعليميـه بالافعـال الاجراميـه
عليك حساب من ربي ومن خلقه عليك احساب = تلمس راسك اللي تركزه مـن غيـر طاقيـه

لاتحسبني مشجع للغدر والعنف والأرهاب = انا مسلم سعودي وآتفاخـر بالسعوديـه
ترا يوم القيامه يكشف الصادق من الكذاب = تعمل الناس والعبره فالاعمـال الختاميـه

أخبر انك على وضح النقا يامجري الهياب = ولا نبغـى نفكـر بالتفاكيـر الجنونـيـه
وهاذي ميزةٍ فينا ورثناها مـن الشيـاب = مثاليين مثل الرايـه الخضـرا المثاليـه