سلام تسليمةٍ تبقى على دورات الازمان=تنصى رجالٍ لها بالطيب عنوان وعلامة
ردية الشعر صارت سلعةٍ لفلان وفلان=من يوم شارك بها الشامي وناسٍ من تهامة

يا مرحبا يا هلا بك سرّها والخد ميدان = نبا نخاويك لين نشوف ضلعان الرغامه
أنته علامك تفتّح في هذا الموضوع بيبان = ما أنته وكيلٍ لخلق الله ومطلبك السلامه

دام البقا ياعميلاً ردته من زين الالحان=خلك معي لاتهوجس واعصب الراس بعمامة
قد قالها لابن ريفة فالملاعب ولد عتقان=سليم وهذيل والعتبان هم راس الزعامة

الله يسلمك طاروق القوافي توّ مازان = أنا معك بالوفاء والسّلم ما أغيّر نظامه
لكن مالي ومال أللي يحقر الناس حقران = كل القبايل لهم في الشعر تيجان ومسامه

ان كانت زانت رمينها بعبرود ام نيشان=والمشكلة كان حالت دونها جرم العدامة
الحق مايزعل الا واحدٍ عليه نقصان=وان زعلت الناس يمكن من علامات القيامة