نجمة الصبح لك هـذا الخطـاب=اخرجي من ورى الغيم اخرجـي
واعديني على متـن السحـاب=واصدقيني وانا فالوعـد اجـي
لجل افصّل لـك القمـرا ثيـاب=والثريـا سـريـر وهـودجـي
واشتريلك مـن الجـوزا كتـاب=فيـه سـر الغـرام ومنهجـي
مازجة دمـي بلـون الخضـاب=كيـف هـذا بهـذا يمـزجـي ؟!
خبريني عـن اسبـاب الغيـاب؟=قبـل روحـي لربـي تعرجـي
لهفتي وايقـة روس الهضـاب=والولـه فالخفـوق يلجلـجـي
في ضلوعي هجير وشمس{آب}=والعطـش فالعـروق يعجعجـي
في صحاري هواك اتبع سـراب=بين يمكن وليت أرجـي رجـي
لين راسي من الاهـوال شـاب=وصار ليلي كما الصبح ابلجـي
تعب حرفـي وتعبـن الركـاب=وهبّت الريح واطفت مسرجـي
واقتنعت!! الهوى قطعت عذاب!!=وصرت احاول وادوّر مخرجـي
توبة أسريـك ياليـل وضبـاب=وتوبة أمشيـك دربٍ أعوجـي
كان حظي عمى وهو شبـاب!!=وصار هالحين اصـمّ وأعرجـي
دوك قلبي مـن الصكـات ذاب=يالحبيـب الخصيـم الدعوجـي
نجمة الصبح لك هـذا الجـواب=لـو سمحتـي أبـد لاتخرجـي !!

المشاركة الأصلية كتبت بواسطة عبدالرحمن الهيلوم (المشاركة 597953) هلال انت بدرا صح السانك يالغالي ومافيك حيله وموفق

المشاركة الأصلية كتبت بواسطة عبدالله الجـــذع (المشاركة 597955) أخي هلال.. أبارك للشعر بزوغ نجم شاعر أو نقول عمله نادره. اخوي هلال قصيده لاتستطيع الألسن وصف جمالها.. واصل اخوي هلال على هذا النهج وانا من متابعينك يالغالي.. الف صحه وعافيه ارجوا ان تكون بها دوما وابدا..