البارحه مدري وش اطرى عليه = علم ٍ غريب اطرى وكدر مزاجي
من شدّته طاح القلم من يديّه = ومسكت بأبهامي طوارف حجاجي
ماكنّي الا منكويلي بكيّه = والا مريض ٍ ما لقاله علاجي
والا قريص بسم عقرب وحيّه = واللي تجرّع سمّها كيف ناجي
ضاق الفضاء والكون شمسه وفيّه = وصار النهار بناظري ليل داجي
وسرحت بالتفكير في مهميّه = اجاهد النفس الحزينه واناجي
الخالق المعبود رب البريّه = عالم بما في داخل الصدر لاجي
يفرج لمن يرجيه صبح وعشيّه = ولا هو لغيره فالمخاليق راجي
من ضيقة ٍ بين المحاني خفيّه = بأسبابها جاء فالضلوع انعواجي
اكنّها والنفس ماهي خليّه = فيها من اصدوف الليال انزعاجي
والعبره اللي فالعيون الشقيّه = طفت بقايا فرحتي وابتهاجي
ان جيت ابا اسكبها بنفس ٍ رضيّه = واشعل على الامال شمعة سراجي
حارت مابين ارموشها الهاشميّه = ولا همّها من وقفتي واحتجاجي
واليا تبقّا من كلامي بقيّه = يوم انطقه كنّه صدى أمر ٍ مفاجي
اشدّ من ظلم الخوي ال خويه = وأمّر من فرقا عقاب العواجي
هذا حقيقة علم ٍ اطرى عليّه= ولابد للضيقه من الانفراجي

المشاركة الأصلية كتبت بواسطة محمد بن رشيد (المشاركة 599829) بسم الله الرحمن الرحيم اخواني اعضاء وزوار هذا الصرح الشامخ للتوثيق اضع بين ايديكم هذه القصيده المتواضعه البارحه مدري وش اطرى عليه = علم ٍ غريب اطرى وكدر مزاجي من شدّته طاح القلم من يديّه = ومسكت بأبهامي طوارف حجاجي ماكنّي الا منكويلي بكيّه = والا مريض ٍ ما لقاله علاجي والا قريص بسم عقرب وحيّه = واللي تجرّع سمّها كيف ناجي ضاق الفضاء والكون شمسه وفيّه = وصار النهار بناظري ليل داجي وسرحت بالتفكير في مهميّه = اجاهد النفس الحزينه واناجي الخالق المعبود رب البريّه = عالم بما في داخل الصدر لاجي يفرج لمن يرجيه صبح وعشيّه = ولا هو لغيره فالمخاليق راجي من ضيقة ٍ بين المحاني خفيّه = بأسبابها جاء فالضلوع انعواجي اكنّها والنفس ماهي خليّه = فيها من اصدوف الليال انزعاجي والعبره اللي فالعيون الشقيّه = طفت بقايا فرحتي وابتهاجي ان جيت ابا اسكبها بنفس ٍ رضيّه = واشعل على الامال شمعة سراجي حارت مابين ارموشها الهاشميّه = ولا همّها من وقفتي واحتجاجي واليا تبقّا من كلامي بقيّه = يوم انطقه كنّه صدى أمر ٍ مفاجي اشدّ من ظلم الخوي ال خويه = وأمّر من فرقا عقاب العواجي هذا حقيقة علم ٍ اطرى عليّه= ولابد للضيقه من الانفراجي