ولا يا سعود بالله قوم ابا هرجك فالميدان = واسولف معك وانته قرم يالاحي ياليحاني
ابن عاصم مزهب بندقه ومركز النيشان= لكنها ثورت فخباه ياربي لا تبلاني

هروجٍ داخل الميدان لاهل الخيل والفرسان =وانا معرفك جعلك فارسآ لاجوك فرساني
ابن عاصم ليامنه رمى يرمي على الذرعان = وبرهن كلمتك لكنت صادق مانت غلطاني

انا شعري بميقافي يجملني مع العربان= ماني بلي يلالي كل ليله ليل ياداني
انا لا جيت ابهرج يالعتيبي جبت لي برهان= ماني بلي يقدم حجته من دون برهاني

كلامي واضحٍ ماقلت الك مخطي ولا غلطان = ولاكلفت اعلم لي عمي لكان عمياني
تفضل عطني علومك واخذ مردودها مليان = لكنك لاتفكر يابيض الشارب تحداني