يامن شافلي موسى ومن شاف فرعون= ومن شاف ابن شلاح وألا العطاوي
الايام حبلا والشواعير بالون=تومّيبه ارياح الصبا بالصداوي

ولا يالمطاري خل هرجتك بالهون = وش اللي حصلك ياقريب الحراوي
الايام حبلا وانت صاحي ومجنون = ويلويك من بعض الصواديف لاوي

خوي السعد ياكل وهو ماله اسنون=ولااستغرب الامرالسماوي سماوي
ربيع الخواجه بالسنه شهر كانون=وذيب الجزيره من قصى الوقت عاوي

خوي السعد فارس معه سيف مسنون = ومن ضربته تبلاك كل البلاوي
حليل العرب شوفوا وش اللي يقولون = هروج (ن) نقدها كل عاقل وراوي