ترف الحشا ليـه متغيـر = وش اللي طاري على باله
وشبه على البيت ما يسير = دايم على طـول منحالـه
عن جيتـي دوم متحيـر = عـزي لحالـي وعزالـه
غض الصبا نهده صغيـر = وعيونـه السـود قتالـه
خشفا من الصوت متذيـر = لو عاد يا مكثـر جفالـه
لا هو طويل ولا قصيـر = نـادر وقليلـه امثـالـه
تفداه نـوره مـع نويـر = واللي زعل مالي ومالـه
ماني من البيض متخيـر = غير الذي حـط منزالـه
بالقلب حبـه بنـى ديـر = ومسيـس عالـي جالـه
بنت الـذي دايـم خيـر = وقت اللقا تحمـد افعالـه
اللي على الطيب مايخيـر = لو الدهر شـان باحوالـه

المشاركة الأصلية كتبت بواسطة عبدالرحمن الهيلوم (المشاركة 624444) صح السانك يالغالي

صح بدنك ياعبدالرحم الهيلوم

ومشكور لحضورك

المشاركة الأصلية كتبت بواسطة معجب العتيبي (المشاركة 624924) صح لسانك بس وش تبي في بنات الناس تسير عليك هههههه اعقل وننتظر المزيد

صح بدنك يالغالي

ياخوي مسيارهن يرد الروح ههههه

الله لا يحرمنا منهن ولا تخاف الى الحين عاقل

وابشر باللي يسرك ان شاء الله

نورت وشرفت بحضورك

المشاركة الأصلية كتبت بواسطة ولد ذايب (المشاركة 624943) صح لساااااانك ننتظر مزيدك يا مجاهد ولك تحياتي

صح بدنك اخوي ولد ذايب

وان شاء الله عن قريب

منور بحضورك