من لايصادقني على الحب والشوق=محبتن من جوف الاعماق تنساق
اسوق له من صادق الشوق ويسوق=شوق البدو في شوقهم شوف الاوداق
ماني ترا يابنت له ملبست طوق=متى مكان الراس لطوق مشتاق
وماني فيدينه يول الحب مخنوق=ولا في يديني من قسا حبه اوثاق
ومعادلي بسوق العشاشيق مسيوق=تو قلبي من غيبوبة الحب مافاق
بروح في حالي بلا اعتاب وحقوق=وبمسح فلم الذكرا من وسط الاعماق
وطرق لي طرقن بالتواديع مطروق=وش النخل لو لا تدلاي الاعذاق
وشلي بمخلوقن جفا اليوم مخلوق=والقلب في هجر المحبين ما لاق
لابد يصدف له هل الغدر والبوق=ويذكر حبيبن كان له خضر الاوراق
لزهرتن اختصها فروضة السوق=بين الزهور اللي منه سوقها ضاق
لا كنها صدت بلا عذر مسبوق=فعيبن علي ابادر الهجر بشواق
لو ان قلبي من قسا الهجر مفتوق=بلحق على ما قد بقى بالترفاق
ولجل ما يصيبه عقبها الطاق مطبوق=بغمغمه عن شوف حسنات الاعناق

المشاركة الأصلية كتبت بواسطة عبدالله معيوف النفيعي (المشاركة 626184) نأسف على هاللخبطه الي صارت بالموضوع وأنا جديد على المنتديات وحاولت أرسل لمشرفينا رساله خاصه لحذف هالموضوع لكن للأسف مشاركاتي ماتسمح بارسال سائل خاصه واتمنى من مشرفينا مسحها وبننزل المشاركه انشاء الله بموضوع اخر وشاكر لكم