كنت اعتقد فيني تحس وتعتذر لي عن خطاك = بس بي ياللأسف مازلت غافل مااعتذرت
ياحسافه طال هجرك واتعب افوادي غلاك=ليلتي ماهي مثل هاك الليالي من هجرت
القهر كانه ظهر نجم(ن)جديد(ن) في سماك=واعذابي كان تخميني صحيح ولي نكرت
ياحبيبي لاتتعبني ووتتركني وراك= ملّت اقدامي وانا اطرد شوفتك لين اندمرت
كنت اقول الطيب دايم منبعه نبرة شفاك=بس اكيد اني بكلماتك هكاليوم انسحرت
والعلاج اليوم ضاع وضاع من عمري هواك=كيف تكسر خاطري وتصد عنه ولاجبرت
وانتضاري طال والدنيا رمتني في رجاك=ليتك لحالي دقايق يامعذبني نضرت
انتضرتك لين مليت انتضاري من جفاك=طالت الغيبه وطال الصد لكن مااعتبرت
كان طالت غيبتك عني وربي ماهداك = اشهد اني من عذابي رحت مجبر وانتحرت
والله ان الحال من دونك مصيره للهلاك=والحياه بدون لون ودون ذوق ان ماحضرت
ماملا عيني من الدنيا وعالمها سواك = لو يمر اسمك بعز النوم من نومي طمرت
لاتخليني وحيد وتبتعد عني اهناك = كيف تقدر تبتعد وانا لبعدك ماقدرت
كيف ترضاها عليْ وماتعذر عن خطاك = كم علشانك صبرت وكم تحملت وسهرت
ياحبيبي عود لاتتركني اصارع بلاك = والله ان ماجيت بيدينك ترى قبري حفرت

المشاركة الأصلية كتبت بواسطة فهيد الرويس (المشاركة 647169) الله عليك يابدر صح السانك وعتلاشانك تقبل تحيتي

المشاركة الأصلية كتبت بواسطة عبدالله الجـــذع (المشاركة 647173) بدر قصيده كـ سابقاتها روعه وقمه فالجمآل صح لسآنك مليون يالغالي ولاتحرمنا الجديد ممايخطه قلمك محبك ,