كانك تبي لك مع هل المرجلـة كـار = عليـك بالعليـا يـا مـال السلامـه
ياكثر ما ترمـي بالانسـان الاقـدار = والعمـر والله مـا يطـوّل دوامــه
ترى الـدروب كثـار يميـن ويسـار = عليـك بالـدرب السـوي واغتنامـه
اعبر على وضح النقـا قبـل تحتـار = من يعشق الجـزلات ترفـع مقامـه
وان ضاق صدرك بدل الـدار بديـار = تلقـى ديـار(ن) تستحـق الاقـامـه
رزقك علـى الجبـار النافـع الضـار = مكـون الكـون الكبيـر ونظـامـه
وإلا البشر ما عندها غيـر الاشـوار = شور(ن) يصيب وشور يخّـر ندامـه
اطلب ولي العـرش عـلام الاسـرار = يكتـب لـك التوفيـق والاستقـامـه
الطيب يرفـع كـل هامـات الأحـرار = عكس الردى يسلب جميـع الكرامـة
ما تعتـرض دنيـاك حتـاك تختـار = أصبر على حـر الزمـان وعسامـه
أبوي وصانـي علـى شبـت النـار = والعـروة الوثقـى وحـب الشهامـة
والحرص كل الحرص في حشمة الجار = وغض النظر عن زلتـه واحترامـه
ومرافقـت دائـم بعيديـن الأنـظـار = وانـا احتـرم رايـه واقـدر كلامـه

صح بدنك وطال عمرك

لاهنت أخوي فالح تحياتي

أخوي فهد النفيعي

يامال السلامة على

حسن الاخلاق التي تدل

على طيب اصلك الله يمتع بالصحة

تقبل صادق شكري وتقديري ...لاهنت