الشعر ديوان العرب ذوق وأخــلاق = ومراقبة رب المخالــيق فوقي
شعر(ن) بدون اخلاق مايرض الاذواق = ولاني على بعض القصائد شفوقي
لكن اقول الشعر من فيض الاعمـاق = قاف(ن) لجزلين النشاما يشوقي
ما قلتها طربان من كثر الأشواق = لكن اصرفها على حسب ذوقـي
لولاي اسلي خاطري كل ما ظـــاق = كان احترق بين الضلوع الخفوقي
كلٍ لديه هموم وظـروف وفــراق = ما تترك الدنيا قــوي(ن) سـبوقي
يا الله ياللي كافـلٍ كـــل الارزاق = يامشعل(ن)جوف السحاب البروقي
تلطف بنا للتفـت السـاق بالسـاق = وتوقف الدم الحمر فالعـروقـي

ابو نجر ابفيعي


مرحبا فيك أخوي مرورك يسعدني

تقبل تحياتي وفائق احترامي

مرحبا أخوي عايض مسهر العتيبي

صح بدنك ودام وجودك على المرور

المميز دائماً ..تقبل تحياتي ....لاهنت