يــاهيه يــاهيه قــبــل الليــل مـايســري=قـم ولّـــع النــار ضيفي حــان مـيـــعـــاده
هاجوسي أقبل وساعات السهر تغري=بين السوالف وبين البن وقناده
أفوح مع دلتي واصيح مع نجري=إليا طرت لي طواري (قيس) وأحفاده
الشعر عندي خوي العمر من بدري=وأعرف قناعات جمهوره وروّاده
رغم إعتراف الزمان بقدره وقدري=يهمني رأي فرسانه ونقاده
يا من دريت بغلاي وقلت ما تدري= كلك جمال و مليت العين وزياده
يازهرةٍ من بساتين الهوى العذري=ينشر شذاها نسيم الليل وبراده
تحتل بين الزهور المركز الفخري= وينثر لها الغيم عطر الحب وأمجاده
أنا أعزف الساهري وأغنى الحدري= في حيرةٍ بين عقل الرجل وفواده
واللي شبكني وجدد فالغرام أسري=في عينه نهاية العاشق وميلاده
يوم أرسل الرمش وإستولى على أمري= أرضيت فيه الهوى وأغضبت حساده
صغت الجواهر ومع تقديري وعذري=أهديتها له سوار و تاج وقلاده