ياقو قلبك بيّن الحين صده= ماشفت كيف اوجعني بضربه الحاد
ماشفت ضرب سيوفه اليوم حِده=ليتك تحس ابها قويات وحداد
قلبي تقطّع عده اليوم عده=ماظنتي يجمع ويحصيه عدّاد
وان كان تجبر خاطري بالموده=يمكن يوقف قلبي اليوم بعماد
بذلت لك حبٍ وابي منك قده = وان كان ماتقدر نبي منك ماجاد
ماجاك مني غير شيٍ توده= وماشفت منّك غير صدات وعناد
ما شفت غير همومي المستجده=وحاولت اعالجها بصبري ولا فاد
همٍ اقول وهمٍ ازري اعده=وهمٍ بشيله في الضماير ومعتاد
وحالي تراه اليوم قرب مهده= ماعاد تمسكني مرابيط وشداد
اشيل في قلبي وهو باح سده= ومن وين ماقفيت للهم طراد
الله على حالٍ ضعيفٍ تكده= صروف الليالي والبهاذل والانكاد
متى يجي يوم سعيد(ن) نعده= ونعيش باقي العمر افراح واعياد

المشاركة الأصلية كتبت بواسطة /عبد العزيز الجذع/ (المشاركة 669651) رائعة.... صح لسانك.. ونترقب جديدك...

المشاركة الأصلية كتبت بواسطة عبدالله الجـــذع (المشاركة 669666) الله.. حمود قصيده جميله جدا كعادتك يالغالي صح لسانك وقلبك على هالجزله دمت لنا مبدعا ننتظر جديدك محبك ,’

المشاركة الأصلية كتبت بواسطة مرزوق حمدان العتيبي (المشاركة 670108) .. متى يجي يـوم سعيـد(ن) نعـده ونعيش باقي العمر افراح واعيـاد .. آآآآآآمين وان شاء الله نكون من حضار هالفرح :) ياحمود .. بيض الله وجهك وصح لسانك ....