سبحانه اللي خالق المتناقضات=الحي دائم والخلايق بايده
اللي جعل نبات يلقح من نبات=وجعل ثمر ذلك من افضل مائده
اللي رفع سبع طباق عاليات=وبسط سبع متواسيه لامائده
وفي كل مايخلق تشوف المعجزات=بالارض والا بالسماء المتباعده
اليا نظرت الي الجبال الراسيات=نظرت عجب وتشوف امور كائده
واليا نظرت الي البحار العائمات=ما ضنتي ترجع ونفسك زائده
واليا نظرت الي النجوم اللامعات=تحتار عينك في نظرها عائده
وانظر لنسل ادم من عيال وبنات=اشكال شتىوالسلاله واحده
تلقى الكريم اللي عيونه ماتبات=الا ليا اعطاء لوما عنده زائده
وتلق الشحيح اللي يدينه قاصرات=وقولت ماعندي شيء من عوائده
وتلقى الشجاع اللي هواه الكايدات=ليا نصاه الخصم تقل يعايده
وتلقى الجبان اللي عزاويه الشمات=يعين خصيمه في كثر عدايده
وتلقى شبيه ابليس في كل الصفات=كل الصفات اللي في وصفه سايده
قد جمع السبع الكبار الموبقات=وايا صفات ذم من فرايده

المشاركة الأصلية كتبت بواسطة مرزوق حمدان العتيبي (المشاركة 683762) .. سبحان المتفرد في خلقه ... صح لسانك ياشعيل ...

المشاركة الأصلية كتبت بواسطة السميــــــري (المشاركة 684248) قصيدة .. أهنئك عليها ,, لسمو عقلك .. صح لسانك ياشعيل .. مبدع مبدع ..

المشاركة الأصلية كتبت بواسطة أبو نجر النفيعي (المشاركة 684275) .. سبحان الخالق .. صح لسااانك يا شعيل على هالقصيده الجزله .. وبيض الله وجهك عليها .. .. . ابو نجر النفيعي وفي انتظار جديدك الجزل ..!! :) أخوك