ان كـان مالـك واسطـه بالدوايـر=والله ماتلقـى مـوظـف يـقـدرك
كانك ماتعرف مـن وجيـه الاكابـر=صاحب معالي محـد غيـره يدبـرك
لو انت صاحب حق يمكـن يصـادر=تقلب لـك الدنيـا وتكثـر عثايـرك
ويمكن بعـد باكـر تـدور الدوايـر=وبدال مـادور علـى الخصـم دورك
ولن كان خصمك له مع الناس ساير=لاوالله اللـي ماتـرقـع خسـايـرك
لو انت مـن فعلـه تشيـل الجبايـر=يصبح هو المكسوروالصح كاسـرك
وتكبر عليك اكبـر مـن ام الكبايـر=ياتنتحـر فعـلا ياتنحـر مشاعـرك
بالواسطه تسيـر لـو انـت حايـر=وبلا وساطه فانت ماحد(ن) بناظـرك
لو انت واحد مـن كبـار العشايـر=ان كنت ماتعـرف فريـح ضمائـرك
بالواسطـه تدخـل بلـيـا تـذاكـر=وبلا وساطه ماحـد يقـدر يمـررك
واللي غبي بالواسطه صـار شاطـر=وشاطر بليا واسطه ويـش حاشـرك
وبالواسطـه يقـوم لـك كـل بايـر=وتصبح طلباتك كمـا قيـل اوامـرك
وبالواسطه تبنـي قصـور وعمايـر=وبدونها لو مـت يمكـن مانقبـرك
اليـوم هالدنـيـا ثـلاثـة منـابـر=كانك حداهم لو تكفـر مـا اكفـرك
لامـيـر ولـوزيـر والا لتـاجـر=وباقي البشر صفر مكعب على ايسرك
هذا الذي في وقتنـا اليـوم صايـر=انشد مجرب واقـع الحـال يخبـرك
واسباب مايحصل خـراب الضمائـر=ماتسمعه وتشوف بالخوف يشعـرك

وبالواسطه تبني قصـور وعمايـر=وبدونها لو مـت يمكـن مانقبـرك

المشاركة الأصلية كتبت بواسطة محمد العتيبي (المشاركة 691269) وبالواسطه تبني قصـور وعمايـر=وبدونها لو مـت يمكـن مانقبـرك ههههه الله يستر صدق .. والله كل شيء متوقع في الدنيا .. والواسطه دمرت المجتمعات .. شعيل الزلامي صح لسانك مدد .. قصيده واقعيه ووافيه .. ...

المشاركة الأصلية كتبت بواسطة فواز علي سريع الروقي (المشاركة 691364) الزلامي انت شاعر كبير واقول انت خليفه الزلامي رشيد صح لسااااااااااااااااااانك شاعر بمعنى الكلام يارجل وقلمك صادق فيما قال تحياتي لك

المشاركة الأصلية كتبت بواسطة /عبد العزيز الجذع/ (المشاركة 691271) اليـوم هالدنيـا ثـلاثـة منـابـر كانك حداهم لو تكفـر مـا اكفـرك لامـيـر ولـوزيـر والا لتـاجـر وباقي البشر صفر مكعب على ايسرك هههههه صح لسانكـ.. فعلا قصيدة واقعية. الله يصلح الاحوال..

المشاركة الأصلية كتبت بواسطة عبدالله الجـــذع (المشاركة 691352) شعيل قصيده طريفه لكنها معبره جدا عن شعوبنا الله يعدل الحال يارب والحمدلله على كل حال الف شكر لك محبك .,