تقول ابا اهجر وبعد الهجر ابا اشوفك؟=شفني بليـا هجـر هالـك ومتهالـك
وابك انت لا غبت يوم وقسيت ظروفك=يصيبني شئ مايطـري علـى بالـك
اجل وش يصير لو تمـن معروفـك؟=اعــوذ بالله فــال الله ولا فـالـك
شاعرك مجنون لا مرنـه طيوفـك؟=طوّح عقاله وصفق لك وغنـى لـك
وهاذي جنون الغلا في قلـب ملقوفـك=اللي مخاويك فـي حلـك وترحالـك
يالّي على الغيد زينك زااد في نوفـك=ياكبرها لـو علـيّ تمـن بوصالـك
وانت الوحيد الذي بيرقـك وسيوفـك=مابين حدب الضلوع .ديارك لحالـك
لكن سولف وعطرني مـن حروفـك=وانعش فؤادٍ الى صديـت نـادى لـك
لبيـه ياعـذارك ولبيـه ياحلـوفـك=ولبيـه ياثقلـك ولبـيـه ياهبـالـك
ولبيه ياصبحـك ولبيـه ياوصوفـك=من توتك لـوردك لخوخـك لشلالـك
يقولهـا اللـي ليـا مرنـه طيوفـك=طوّح عقاله وصفق لك وغنـى لـك