يقـول ابـن غنـام بالترتـيـب = مـا طالـب إلا مقتفيـه طليـب
هاذي حياة الناس من عاش منهم = ومن مات يذهب والمجال رحيـب
الـرزق والآجال بيديـن ربـي = العمر يمضـي والزمـان رهيـب
حنا سوات النجم يظهر على الملا = يطلع ومن بعـد الطلـوع مغيـب
جيل(ن) يغيب وجيل يارث مكانـه = ومن طال عمـره بينهـم غريـب
سنة ولي الكون فـي كـل خلقـه = لابد مـا يبكـي الحبيـب حبيـب
إذا بلغ عمر الفتى عشـر كاملـة = يحتاج في كـل الـدروب رقيـب
وإذا بلغ عشر وعشر(ن) تجـارب = لابد مـا يخـط الفتـى ويصيـب
وإذا بلـغ سنـه ثلاثيـن حجـة = لابـد لـه ممـا فـات نصـيـب
العرف كنز(ن) للرجال العـوارف = والطيب ما يثمـر بغيـر الطيـب
وإذا بلـغ عشـر عليهـن زيـادة = سن العقـل والنضـج والتأديـب
كل يشوف الناس حسب اختصاصه = والمستقيـم مـن العبـاد طبيـب
وخمسين عام يطلب الله ويذكـره = والله مـن كـل العبـاد قـريـب
ذهب الطموح وكل زهـرة شبابـه = العمر يمضـي والشبـاب يشيـب
وإذا بلـغ ستيـن عـام تقافـت = يضرب على بعض الأمور صليـب
يترك أمور(ن) كان يحرص عليها = ويشوف سهل الأربعيـن صعيـب
وسبعين عام إذا طواهـا خلافـه = الشوف يقصـر والمقـام أتعيـب
تكثر مشاكي صحتـه واعتلالهـا = يوم(ن) يطيب ويوم ما من طيـب
وإذا بلـغ عمـره ثمانيـن حجـة = يخطي ولا له في العبـاد حسيـب
كل(ن) يقول الله يحسن له العمـل = ياما ويامـا مـن شنـاه يخيـب
وإذا بلغ تسعين عـام(ن) يعافهـا = لو هو سليم من الهموم صويـب
هذه حياة العسر ما أحد يرومهـا = من هولها جرح الفـواد عطيـب
أما مئة عام على السير والسـرا = من وصلها عاش الحيـاة كئيـب
يا الله دخيلك مـن حيـاة الكآبـة = واعو ذبك مـن عيشـة التعذيـب
ومن زاد عنها نقص ماهي زيـادة = يقضي الحيـاة الباقيـة تغريـب
أكثـر عبـاد الله هـاذي حياتهـم = مرتبـة حسـب العمـر ترتيـب
ولا تنطبق على جميـع الخلايـق = الله عليـم(ن) بالأجـل والغيـب

أكثـر عبـاد الله هـاذي حياتهـم
مرتبـة حسـب العمـر ترتيـب
ولا تنطبق على جميـع الخلايـق
الله عليـم(ن) بالأجـل والغيـب



صح لسانك يا حمود


أشهد بالله إنك سمرت القاف



معاني وجزالة

لا تأتي إلا


من رجال الجزالة


درة تستحق الإشادة



تقبل تحياتي الحارة



أخوك



الحلحلي

شكراً أخوي الحلحلي

الله يعطيك الصحة والعافية

دام وجودك وصح بدنك ولاهنت

على المرور والاطراء وهذا يدل

على اصلك الطيب حفظك الله ورعاك

تحــــــــــــــــــــــــــــــــــياتي

الله يحييك أخوي عبد الرحمن

مرورك سعادة غامرة لي وللقصيدة

تقبل تحياتي ومودتي لاهنت حفظك ربي

شكري وتقديري أخوي ذيبان

تحياتي

تقبل شكري وتقديري أخوي فواز


لمرورك الجميل الله لايهينك

تحياتـــــــــــــــــــــــــــــــي