| سلطان نايف العضياني |
06-Sep-2008 09:11 PM |
أجحد صوابي
يسرني أن أطرح لكم هذه القصيده ارجو أن تنال رضاكم
يازين أنا من عقب مارحت في ضيق=وطعون قلبي بالمحبه وساعي
أجحد صوابي مار مامن توافيق=واسمك ليا طري يزيد إرتياعي
حسبي على اللي فرق الشمل تفريق=اللي سعى بالتفرقه والضياعي
بيني وبينك بالمحبه مواثيق=لكن حدوني عنك ناس(ن)وجاعي
اللي على فرقا الولايف مطافيق=يسعون بالنمه فرادآ جماعي
عليك قلبي ياظبي الصعافيق= يطرق كما طرق الهوى لشراعي
لولا الحيا وهروج بعض المخاليق= جيتك بليل(ن) مثل ريش الرقاعي
ولا روح منك ألا على فكة الريق=لامن نور الشمس جاله شعاعي
الحب بلوى يحرق القلب تحريق=ولايعرفه مختص طب الاشاعي
سم(ن)يسوق مع الضلوع المغاليق=أشر واقوى من سموم الافاعي
يازين حبك فتق القلب تفتيق=منك الضماير رايحاتن مزاعي
أما تجي وتلحق العمر تلحيق= ولا ترا سلطان يالترف ضاعي
الشاعر/سلطان نايف جريان العتيبي |
