حان يايوم الوطن نظم القوافـي=
يابلاد المجد يـالارض الكريمـه =
ياالله الفرد الصمد وانت المعافي=
عزنـا بملوكنـا ربـي تديمـه =
ذودهم دون الوطن وافي وكافـي=
وللمواطن من ملوك العز قيمـه =
في ملوك المملكه باقـول قافـي=
لو تروح الروح والدنيا هشيمـه =
الملوك ملـوك لوطـال الوقافـي=
يضربون المايلـه بالمستقيمـه =
قادها عبدالله الشهـم السنافـي=
امن دولتن بشـرع الله يقيمـه =
شجرة ال سعود منها العز وافي=
في قلوب الشعب قيمتها عظيمـه=
قبلهم يانجـد صايبـك الجفافـي=
كان فيك الظلم وأصحاب الظليمه =
لين جاك اللي على الرجلين حافي=
مزهبه تمره نفذها فـي بريمـه =
في يده رقبان لاهل البوق جافـي=
كن صرعاهم ضحايـا هرشيمـه =
أحمد الله يوم صار الجو صافـي=
والعـدو حقنـا صابـه حريـه=

عبدالعزيز اللي فعوله عظيمه=اللي جلا عنا صدا الذل والعار
وجعل لنا في كل الاقطار قيمه=مكانتن نفخر بها بين الاقطار
قبله نعاني من حياتن سقيمه=ونهيم فالصحراء على عشرة أنفار
ناهب ومنهوبن ونصر وهزيمه=ولا نسمع المذن على وقت الاسحار
ولانعرف اللي ناخذه من وسيمه=ألاإن شيمنا تمنع الضيف والجار
هذا حصل يوم السنين القديمه=يوم الجهل يلعبنا شتا الادوار
واليوم ياخيال شقراء وريمه=نزل شدادك وادع للوالد البار
ادعوا لبوتركي قوي العزيمه=عساه مايعرض على واهج النار
اللي رسمها خطتن مستقيمه=وساروا على نهجه طويلين الاشبار