ما المعنى الذي يدور بالمحاوره
 

سلام عليكم


اتمنى من اخواني الشعراء ان يفسرو هذي المحاوره وما المعنى الذي يدور بها لكي نستفيد



عياد العجوني

قم يالسناني محمد والنظر لده
والخط مفتوح من حايل ليا جده
كلن يفصل هناديبه على وده

واليوم موعد وبكره موعد ن ثاني




السناني محمد والزمن قالبـه
شاب راسه ولكن ما تحقق مناه



عياد العجوني

مكبر طموحاته ويا صعب تفكيره
يسرح هجوسه ويبعد في مشاويره
وان طب الاسهم يصادم في هواميره

واليوم موعد وبكره موعد ن ثاني





تال الوقت اشوفه مل من صاحبه
والسحيمي على حد الحقيقه حداه



محمد السناني

لو خطت السير من عامين مشلوله
سمعت لي كلمة ن ماهي بمعقوله
الخط مشغول والافكار مشغوله

واليوم موعد وبكره موعد ن ثاني





عندي احساس والافكار متضاربـه
قطرت الصيف لا يمكن تبل الصفاه



محمد السناني

ان كان ما جتني الافكار مدروسه
الناس متوتره والارض مانوسه
اوحيت من عندي صوت ناموسه

واليوم موعد وبكره موعد ن ثاني





لحيت الرجل فيها شي من شاربه
والكلام الموثق نوصلـه منتهـاه



عياد العجوني


مسرعك تقبل على النشاد بعذارك
يالصاحب الي تقول ان البخت جارك
يا بحر جده نبي لولك ومحارك

واليوم موعد وبكره موعد ن ثاني





فيه نيه صواب ونية ن خاربـه
والامانه مع الشايب وسلم عصاه


عياد العجوني

وان كان مرت على أذنك صوت بعوضه
افطن لا تصبح بجنب الاذن مقروضه
والارض فيها قرود وناس محظوظه

واليوم موعد وبكره موعد ن ثاني






شحنة ت موجبه مع شحنة سالبـه
والسحيمي زعل وشلون تقدر رضاه



محمد السناني

سمعت لي كلمة ن ماهي بمفهومه
والبحر مزحوم واللنجات مزحومه
يلي مطول منامك كمل النومه

واليوم موعد وبكره موعد ن ثاني





كل دقن ن توفيه العرب واجبه
وان تغير يردونه على مستواه


محمد السناني

حلمت لي حلم ن ماحصلت تفسيره
كل ن يسوي على تقدير تفكيره
غير السحيمي حشيم ويحشم الجيره

واليوم موعد وبكره موعد ن ثاني





بعد ساعه تبين النجمه الغايبه
علمونا بسر الجرح ولا دواه



عياد العجوني

الظاهر ان المرض بذنيك بالطبله
والصبح يضحك عليك الخبل والخبله
هذا السناني فلا بعده ولا قبله


واليوم موعد وبكره موعد ن ثاني





فيك فيروس لكن وده محاربه
اه من صاحبي ياصحابنا اه اه


عياد العجوني

فتح عيونك وخلك قدمك الشاشه
وسمع صحيح الخبر من هرجة الباشه
ولشوكه الي تصيب الرجل منقاشه


واليوم موعد وبكره موعد ن ثاني





من تعدى الكلام الزين ما نطالبه
مدت امقيط يا محمد ومدت رشاه


محمد السناني

اشوي لا تكشف العربان ضحكاتك
تنزل لك املاحظه تنقص علامتك
طالع نجوم السما ورفع يدياتك

واليوم موعد وبكره موعد ن ثاني





كيف تستقبلـون القـوه الضاربـه
والعرب ما شغلهم غير موت وحياه

أنتظر تواجدكم

اين انتم ؟؟؟؟؟؟؟؟

محاورات السناني صعب تفسيرهـــا

صحيح كلامك

لكن الخير والبركه بالموجودين هنا من نقاد وشعراء يفسرون هالمحاوره

لكي نستفيد منها

والله المحاوره غامضه لاكن انا بتكلم منتجاريبي ووجهات نضري الخاصه اعتقد ان العجوني يقول لسناني انت للحين مارقيت لسنام المحاوره اي للحين ماسطعت من ضمن نجوم المحاوره والمحاوره هاذي قديمه طبعن اما الان محمد السناني من نجوم المحاوره وبلا شك تقبل مروري يالغالي اخوكم عبد العزيز العازمي

أشكر لك تواجدكـ يالعازمي

وبالعكس هالمحاوره جديده ما صار لها سنتين يمكن :)


لكن المعنى خافي والعلم عند الله


أين الشعراء الي يحللون المعاني :)

اخوي شاعر ...


فيه مطبات اشوي من الطرفين ...


ولكن بخصوص المعنى ..

صعب انك تفسر شي بين شاعرين معروفين..


الا اذا تكلمو عن حدث معروف سوف تكون التخمينات ناجحه ..


ولكن زي كذا شي بينهم ماتقدر تفسره


اترك المجال لغيري .. مجرد وجهه نظر

شكرا على مرورك يا عبدالمجيد ولكن لابد من خيط موجوود


ننتظر الشعراء الباقي :)