قالوا علامك قلت : فكري غدابي !!!
 

هذا اخر ماكتبت واتمنى ان ينال شئ من رضاكم واستحسانكم .....


[poet font="Simplified Arabic,4,black,normal,normal" bkcolor="transparent" bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=""]
قالوا علامك قلت فكري غدابي = للي نسيته ثم ذكرته وفزيت

فزة صغيرٍ قارصة ناب دابي = او شايبٍ فجأه درى ان ولده ميت

على هنوفٍ هي سبايب عذابي = ما اعطيت احد حبٍ مثل ماهي اعطيت

قلبي خذته ومابقى الا ثيابي = لولا الحياء والدين عنها تخليت

لعيون مجمولٍ شبابي وشابي = اضيع لامن جاء ويضيع لاجيت

يومن نظرته قال: انت اش تبابي = قلت البلاء من عقب شوفتك جنيت

شفت الصدر مركوز والردف نابي = وباقصى الحشا والروح يازين ونيت

هايم بحبك وانت شكلك ارهابي = تشب وسط القلب نار ودناميت

قالت من انت: وقلت انا ذيابي = اسمي على مسمى وبالإسم سميت

على دروب الطيب جدي مشابي = وعلى وصاة ابوي ما يوم هسيت

آلاد روق رجالهم ما تهابي = كم شيخ قومٍ من بطولاتهم ميت

كم مرغوا خشمه بجال الترابي = ولافاد من عقب الطعن قول ياليت

حنا عتيبه واسمنا ما يغاابي = لا جا طاري الصيت حنا هل الصيت

تاريخنا يابنت فوق السحابي = يشهد لنا التاريخ والحي والميت

قالت: خلاص اليوم ماحب مابي = الا انت ياذيبان عقب اللي اوحيت

[/poet]


اخوكم ذيبان |1|

ونعم بك والله ...
صح لسانك وسلم بنانك..
قصيدة جزلة...




تحيااااااااتي.

قالت من انـت: وقلـت انـا ذيابـي.........اسمي على مسمى وبالإسـم iiسميـت

والله ونعم ولاتكفي ياذيبان..........


حرام عليك تنقط علينا تنقيط من بحرك :(, يخوي نزل اربع خمس سوى:cool:



صح السانك مليون ياذيبان........

صح لسانك ياذيبان

والله انك على اسمك ذيبان ماخليت شى

ماقلته للبنيه افعال عتابه قلتها كلها وش تبي

غير كذا عقب هذي وش تبي تقول البنت كفيت ووفيت

ياولد روق الف مليووووووووون صح لسانك

الغالي وصل

ماعيك زوود

وصح بدنك

والجزل ما تكتبه انت وحضورك اسعدني وشرفني:)




هلا بابن مشيب يالله حيه

ماعليك زوووود :D

يابن مشيب قايل لك ماني شاعر كلها كلمات بسيطه |4| واتمنى انها تعجبكم واللي تلاحظون انه خطا تقولون لي عليه

شكرا لحضووورك ;)



ابن مورق

صح بدنك

وحضووووورك اسعدني والله

لك مني جزيل الشكر على كلماتك




تحياااااااتي للجميع |3|