يقول من ساق التماثيل بركود=اللي وزن وقفاتها ما نثرها
اللي شرى للقافيه تاج وعقود= تاج(ن) على الهامه وعقد بنحرها
لن القوافي فالوصايف كما الخود=وفى الخود احب اللي طويلِ(ن)شعرها
مخضبة كفين والقرن مرجود=زوامةِ(ن) زوم البنات اعتذرها
والشعر في وصفه كما فاهق عضود=عينه على ربد الحباري دورها
من ماكره شوفه على بعد ممدود=ولياضهرت طق اللحوق وعثرها
والشعر في وصفه كما سيف محدود=لهوى على صلبات الاعضاء بترها
بالخص لجاله دوافع ومقصود=وشييد مثل بني القصور بحجرها
اشعار مايصغيلها السمع ياكود=من يعشق الجزله وينزل بحرها
قلته وانا كني على الكبد ملهود=ومن المياسم ذقت كيت حمرها
الله على هم(ن) برى الحال يا سعود=العين بكاها وطول سهرها
بيض اليالي فالنضر عودت سود=ما كن ابه نور(ن) لساطع قمرها
دنيا(ن)تصافقني كما يصفق النود=خضر الغصون الموميه في شجرها
وانقلت مايكسر هوى العاتيه عود=اقول يثر في طلايع ثمرها
ولاشكي من دنيا كذا يافتى الجود=لاوالله الا معتليني كدرها
منها شكى طفلِ بالحضان ممهود= وايضا(ن) كبير السن ماقد شكرها
يشكيبها سايد وجراه مسيود=حكامها تشكي وتشكي جبرها
يناقش الدله لتذعربها العود= الهيل خله لاعدمتك ذعرها
توريد من بالخير وزراعة هنود=يقعد خوى روس(ن)تزايد سطرها
فنجال منها يابيض الوجه محمود=مع تمرةِ صرم القصيم وحضرها
مدام فكري هايم(ن) ماله حدود=وبنات فكري عاقده موتمرها
ابا كسر الفنجال يالله عسى كود=نقادة الكيفان نسلم خطرها
وجيب هرج(ن) ما يجي في منقود=مثايلِ(ن) فكر الذيابي صخرها
درب الكلام الزين ماهوب مسدود=والنادره تحفض نقا من نشرها
ياسعود ماباقن عن العلم منشود=مدام سدة سابقك في نحرها
حمراً شقق مادردبوها لمفرود=فج العضود اللي شنان ضهرها
انتاج من ريما على الهرش هدهود=الجيش يقعد فالزز عند اثرها
خل الشداد الها وانا اخوك مشدود=عساه يضهر ماوراها سفرها
من القرى نصيتها طيب جدود =من عزوةِ بطيب كل(ن) ذكرها
الاد عاضي ماعلى طيبهم زود=من غير قاصر فالرجال وقرها
في نجد يوم الناس ضاهد ومضهود=وكواننا التاريخ الاول ذكرها
ما يكسبون الا المغاتير والسود=لو دونها عيون(ن) تقادح شررها
خوف الكلام يطول فالشرح ويزود=دعوى الحويقل كف غانم شبرها
لجيت مطلق كله الوقت مجحود=لوكان دعوانا على ماخبرها
دعواً لها مبدى وسيسان وبنود=درة بحر مكنونة(ن) في بحرها
طلاسمٍ مافكها كل مقرود= جفالتٍ(ن)خرشا شديد حذرها
مرفوضةٍ مقبولةٍ مالها حدود=منشورةٍ مقبورةٍ من قبرها
من يوم راح الشعر حاوي ومردود= هاشقير عزه في بيوتٍ صخرها
الشعر عود تكس فالخط مكدود=سيارةٍ والخط محفن كفرها
شعر النبط كبه وانا فيه ماعود=اهله بلاشي ننحدر منحدها
وهاذي قضاويه على ساس وبنود=بثي ومن عندك تردد قمرها
كلام من ساق التماثيل بركود = اللي وزن وقفاتها مانثرها

يقول منه يلعب القاف ويجود=شرد القوافي لبغاها جدرها
مايستعير الشعر والفكر ماجود=وان عاندت صعب القوافي جبرها
حتى تساير معه ويقودها قود= ويغوص غبتها وياخذ دررها
والعاصيه يطمحلها الفكر ويرود=وان مارضت حط الزريج وشقرها
دايم وانا وايا المحاذير فجهود=وانما لقيت القايده جبت اثرها
واخذتلي بندق ومحزم وبارود=وتابعتها يالين احقق خبرها
وعن صيدها مانيب عايد وملدود=مدام نفسي هايمه في دورها
اتعبلها ورقابها عالي الطود=واخذ محاسنها وجنب اثبرها
والقايده مقناصها دايم يكود=حذره مسامعها قوي(ن) نظرها
كم تعبت قدمي مشاكيل وحيود=حافو مرابيها وداسو وعرها
والجهد مايحتاج والدرب مجرود=ومن لا يهوم الطيبه معثرها
والدافع اللي زود الفكر بجهود=وخلاه يدفع بالغزايز مهرها
خط حمل في طيه المسك والعود=من عند غانم شد روحي وسرها
خلا هجوسي تاخذ الدرب وتعود=وتسمر مع انجوم السماء في سمرها
حييت ياخطٍ امفقد ومنقود=ماسبلة غر السحايب مطرها
وما خيل خيالٍ(ن)له ابروق ورعود=واحيا هشيم الارض واطلع زهراها
وجاله من القبله رفاريف وحشود=واسقا ديار قد وطاها دهرها
وعقب الوقوت اللي لها شهور وعقود=تباشرت بالعز واطلع ندرها
وزانت نفوس مصبحت شمخ القود=يوم الحيا نورو عمم ديرها
وجاء لشحم بظهورها اقواس ونهود=طوال الرقاب اللي معكرش وبرها
اللي تنومس كاسب المدح والفود=زحول الرجال اللي قديمٍ ظفرها
كسابت الطالات نطاحت الكود=من دونها لامن ربي ومرها
يوم السنين الشهب والشر ماجود=والبل عزاوي الطيبين وفخرها
ياما ثنى من دونها كل نمرود=خطوى الولد جاها الدجر من دجرها
لصاح صياح(ن) وجاء القوس والرود= وكلٍ ركب فوق الجواد ومزرها
تلقى الرجال اللي لهم فعل مشهود=مندونها لوه غشاهم حمرها
يوم الامن معدوم والشر موقود=والفتنه العميا تقادح شررها
واليوم ساد الامن وبليس ملهود=وشريعة الاسلام نور سفرها
هذا وياغانم لك الرد موكود=ارسالتك من طيبها ما نخصرها
نرضيك وان وفيك ونجود ونعود=والنفس في ماجوبها ما نعذرها
مدام مرسلي مراسيل وردود=على الاصيل اللي شنان ظهرها
حمراً ورها يقعد الجيش عرجود=حدادٍ(ن) مسامعها قوي(ن) بصرها
من عندكم جت تحمل ازهور وورود=طرايفٍ(ن) شفت العحب في صورها
رحبت بالمرسول والفكر مشدود= والواجبه لجل الضيوف انخسرها
ويوم انتهى الواجب اليا الرد ممدود=للي بنا شرد البيوت وشهرها
سلمته المرسول من قبل ليعود=ثم قلت وصلها لمن ينتضرها
غانم رفيع القدر من منبع الجود=من لابةٍ(ن) توفي ولحدٍ(ن) حقرها
الاد ذايب من على عصر ثامود=بيض موقفها ويخشى نذرها
وان حك عودٍ(ن)عود والسيف مجرود=تطفي مضاربها وتحمي هجرها
ودنياك ياغانم بها افراح ونكود=حلوه مضاهرها كثير(ن) قشرها
مادامت الطاها ولا ابن داوود=والرابح اللي كلمت الله نصرها
والغامضه عن فكر حامد ومحمود=حطيت نيشان الصواب وبترها
من شان غانم نروي كبود وكبود=يبطي ظماها مستمر(ن) ضررها
والدره اللي دونها الباب مصمود=في مجتمعنا قل من يعتبرها
تعرضت لمشجع الطار والعود=اللي عماها مايقلد عورها
وهرج الخشونه صار مبعد ومفقود=والرافضه بانت وكل(ن) خبرها
صار الكلام اللي على بنود وسنود=واحكام وعلوم(ن) رفيعه سيرها
ماهوب مرغوب ولاهوب مشهود=والهابطه فالسوق محد(ن) حكرها
تجارها تزداد والحبل معقود=واللي عمرها بالنهايه دمرها
وشعر النبط قايم ولازال مسنود=بحكمة رجالٍ فكرهم مبتكرها
مايشربون الا نبع كل قرهود=والهند تلقى عالم(ن) تدخرها
واسلم وسلم لي على كل محمود= يامن بناء شرد البيوت وحكرها