الهيـــــــــــــلا *** منتدى قبيلة عتيبة - دكتور لاتكشف على القلب ارجوك

- قصائد الأعضاء (http://www.otaibah.net/m/forumdisplay.php?f=10)

- - دكتور لاتكشف على القلب ارجوك (http://www.otaibah.net/m/showthread.php?t=80131)

دكتور لاتكشف على القلب ارجوك

دكتور لاتكشف على القلـب ارجـوك
اخاف تلقى صورتـه فـي الإشاعـه
اخاف تلقى من لـه القلـب مصكـوك
ارجـوك لاتفتـح بقـايـا الـوداعـه
اللي على قلبي معـه عقـد وصكـوك
ريـمٍ خـذت قلبـي بلـيـا شفـاعـه
اقفت وانا دمعي مـع العيـن مشبـوك
وصاحت جروح القلب ويـن المناعـه
من بعدها والجفن كنـه علـى شـوك
يحرم علي النـوم لـو كـان ساعـه
والجسم ناحل لو تشوفه وانـا اخـوك
كنـي يتيـمٍ فـي ديــار المجـاعـه
ليا ضاق صدري قمت ادور على البوك
من شـان اطالـع صورتـه ياجماعـه
هذي خذت قلبـي لهـا عبـد مملـوك
تأمر وهو تحـت الامـر والطواعـه
صحيح ماعنـدي رأس مـال وبنـوك
لكـن علـى حبـه رضيـت القناعـه

صحيح ماعنـدي رأس مـال وبنـوك
لكـن علـى حبـه رضيـت القناعـه

كلااااااام

محمد

صح لسانك مدد يابحر

استمتعت كثيرا بقرآءه هذه الدره الجميله

ازكى التحايا

وبآنتظار جديدك

محبك
.,

اقتباس:

ليا ضاق صدري قمت ادور على البوك
من شـان اطالـع صورتـه ياجماعـه

صح السانك اخوي محمد ..

قصيدة جميلة استمتعنا بقراءتها مثل ماقال عبدلله

الله يعطيك العافية

الأخ العزيز محمد العضياني

صح إلسانك وأعتلى شانك

وننتظر جديدك

عودة متألقة ..

يشعرٍ راقي ..

صحيح ماعنـدي رأس مـال وبنـوك
لكـن علـى حبـه رضيـت القناعـه

صح لسانك ..
على البدعة والقصيدة الأكثر من جميله يامحمد ..

صحيح ماعنـدي رأس مـال وبنـوك
لكـن علـى حبـه رضيـت القناعـه

صح لسانك

محمد ذكرتني ايام الثانوية في عفيف كان البيت ذا مكتوب على الجدار داخل المدرسة

قصيدة رائعه

صح السانك وعتلى شانك

من بعدها والجفن كنـه علـى شـوك
يحرم علي النـوم لـو كـان ساعـه

صح لسانك كتبت فابدعت

شاكر لكم مروركم
لاهنتو