الهيـــــــــــــلا *** منتدى قبيلة عتيبة - البارحه يوم المنام جتني بيوتن لي واقول= كيف الهوى يغلب على صاحبه دام انه هوى

[

1. .البارحه يوم المنام جتني بيوتن لي واقول= كيف الهوى يغلب على صاحبه دام انه هوى
2. يالله دخليك شفت ما يبهر على نهج العقول= شي يخلي في سواد الراس شيبه قد ضوى
3. بعض الاوادم تايه وعايش على دق الطبول= والبعض الاخر في زمان العولمه قد هو غوى
4. ناس مصالح ليتها تمشي على سلم الاصول= درس الجهل دستورها والعلم منها قد خوى
5. ناس تهرج والهروج بالنم عكس للفضول= من يطعن في ضهور الغير همه بفكره احتوى
6. ورجل تصنت للحريم باللي تبي واللي تقول= معصوب راسه في ضلام والطيب ماقد له نوى
7. ورجل توحد مايجي جاره على حد العزول= وصيته بسابع جار واشوفها كلن حوى
8. كم واحد يجمح طمع يمشي على عرض وطول =ثم تكوع بالاخير روح زمانه والتوى
9. رجل بلا شعار الطيب جعله يفارق ويزول= ودك يغطى بالعباه دام إن عقله قد جوى
10.رجل بلا كرامته عساه في وقت المحول= ماحاد عن صف الرجال الا ضعيف قد زوى
11.من لاحسب للمرجله يبقى في حسبة المجهول = واللي علا بالمرجله يبقى حديث اهل الروى
12.بعض الرجال اللي نشوف مثل الغصن طلع ونزول= يروغ مثل ابا الحصين لجالها هج وعوى
13.هذا الزمن فيه الغريب يجلب لمن فيه الذهول= ماهو زمان اول مدام راحوا رجاله وانطوى
16. يالله طلبتك ياكريم يامرسل محمد رسول= ترحم غريب قد شقى في غربته لين ارتوى
19.قلت القصيده بالختام عندي طلب وابغى قبول= كان لمشاكلنا دوى وين الدوى ياأهل الدوى