الهيـــــــــــــلا *** منتدى قبيلة عتيبة

..... السلام عليكم ورحمة الله وبركاته

.

يامل قلب ٍ عانقته المصايب = ماهوب ودله وجاته غصيبه
مادام جاته من حبيبه وهايب = وش عاد باقي فالحياه العجيبه
حملتني يازين حمل الركايب = لين أمست حمولك عليه مصيبه
المشكله ماواجهت بالسبايب = ماله عذر فمواجهي ويحكيبه
قنعت ياقلبي تعيش الصعايب = لاشك ماهي في زمانك غريبه
مقسوم ربي سنة ٍ للحبايب = فراق جمع ٍ مايخلّص طليبه
أرجي رضاء ولاّ على غير طايب = وفي نون عيني نومها ماأهتنيبه
أسهر ونيس الليل والفكر غايب = والجرح ضيف ٍ لي ولاأفقد مغيبه
تحت المحاني مودع ٍ له لهايب = من جورها بالصوت تسمع نحيبه
واللي بقي له فالحنايا عطايب = وذريف دمع ٍ في عيوني تجيبه
ويالله يافارج هموم وكرايب = فرج لمن هو طال عمر تعذيبه

أخوكم : رجــــــا الروقي