بسم الله الرحمن الرحيم

الملتقى اصبح خالين يابن رفاع=شوفه يحزن عقب هاك الربوعي
البارحه نوره يشعشع تشعشاع= واليوم خالن من هذيك الجموعي
لاتلومني لو دمعة العين تنزاع = ازريت اسيطر فوق زرق الدموعي
اردها لكن تذرف وتنماع = والقلب يقرع بين حدب الضلوعي
وين البيوت الي كبيرات ووساع = والعود الازرق وسطهنه نشوعي
يوم اصبحوا واذوادهم راحت امزاع = واصبح نفود السر مافيه دوعي
اونس على كبدي كما كي مرقاع = من الحزن راحت يابن عاضي فلوعي
عقب اجتماع اللي لهم بالوفا باع = اهل الشهامه عارفين السنوعي
قومن لهم في قمة المجد مطلاع = يومن ةلد الاش رجله توعي
ربعي عتيبه مشبعة كل من جاع = لطامة العايل اليا اخطى السنوعي
كسابة الطاله لها الصعب مطواع = يخضع لها هيبه وغصبن يطوعي
فرسان نجد اللي لها المجد ينذاع = اسود نسل اسود ستر الفروعي
وشلون مابكي فوقهم يلبن رفاع = وهم تاج راسي عز راسي دروعي
العزوه اللي صيتهم فالملا شاع = اللي لهم عزن وهيبه تروعي
الجود منهم ياهل العرف نباع = ساس الشجاعه مبعدين النجوعي
هيلاً تهول وتجزي المد بالصاع = برقا وروق وفتحي يالسموعي
اللي يطاولهم على دربهم ضاع = واللي يعاندهم به الجرح يوعي
واللي يحاربهم ضربه على القاع = ويلوم حضه يوم قاد الجموعي
يالله يالي لاجلك الخلق ركاع = يرجون غفرانك بيومن فجوعي
تجمع شمل ربعي على طيبة الناع = وتسد عين اهل الحسد والسموعي

وتقبلوا تحيات محبكم ابن صنهوت ودمتم بخير

ربعي عتيبه مشبعة كـل مـن جـاع=لطامة العايل اليا اخطـى السنوعـي
كسابة الطاله لها الصعـب مطـواع= يخضع لها هيبه وغصبـن يطوعـي
فرسان نجد اللي لها المجـد ينـذاع= اسود نسل اسـود ستـر الفروعـي
وشلون مابكي فوقهـم يابـن رفـاع=وهم تاج راسي عز راسي دروعـي
العزوه اللي صيتهـم فالمـلا شـاع=اللي لهـم عـزن وهيبـه تروعـي
الجود منهـم ياهـل العـرف نبـاع=ساس الشجاعـه مبعديـن النجوعـي
هيلاً تهول وتجـزي المـد بالصـاع=برقـا وروق وفتحـي يالسمـوعـي

ابداع

بلا حدود