يالله ياللي نرتجـي منـك الافـراج=ماناجي الا من كتبـت لـه ناجـي
هون علي اللي يسبب لـي ازعـاج=ويكدر الخاطـر ويخلـف مزاجـي
اللي حصل لي ما حصل منه مخراج=ولا راح هم(ن) بين الاضلاع لاجـي
ماعاد انام الليـل ياكـود سوهـاج=حلو الكرى بينـي وبينـه سياجـي
اصارع اهجوس(ن) على قلبي افواج=يجيلها بيـن الضلـوع اعتلاجـي
لكنهـا لاجـات تطـري بمنهـاج=انهج واسج الرجـل هـذا علاجـي
على الذي من بين الاسواق ما داج=ولا قلبـوه امحرجيـن الحـراجـي
جيب(ن) جديد(ن) للمناهيج نهـاج=عليـه منهاجـي وفلـة حجاجـي
دربه عن ادروب الردييـن ينعـاج=وعلى دروب الطيب معه اندماجـي
حتى ايش لو قالوا لي الناس دواج=اليا حصللي سلوتي وابتهاجي
وابعد عن الازعاج واسباب الازعاج=واغيب عن جو(ن) يجيب انزعاجي