كل ما ون قلبي...خلف بن هذال
 

كل ما ون قلبي جاوبن الضلوع
من هنوفٍ سلب عقلي هدب عينها
كن في عينها وان ناظرتني جموع
حفرة الموت في مقرن حجاجينها
جا نهار الخميس وفات يوم الربوع
والوعد طاف والأقدام مشقينها
حفيت اقدامنا والعين تذرف دموع
فرقا الاحباب لو يومين ياشينها
يامليح الكلام ويا حسين الطبوع
صورة حافها الرحمن يازينها
فيك من ظبي نجد اوصاف واحسن رموع
وانتم اللي كبود الناس كاوينها
ضامر البطن ما مس الشقاوه وجوع
شجرة عن سموم القيظ حامينها
فوق جمٍ قراح وبين ذيك الزروع
ليت من ذاق من خضرة بساتينها
من لحظني وانا ماشي عن الدرب ادوع
هلت العين واختلت قوانينها
القدر نزلتني حدر تسعين بوع
تحت هيبتك نعصى الروح ونهينها
يعجز اليوم قلبي من شبككم يدوع
شبكة اللي مكسرة جناحينها





__________________

لا هنتم على

مروركم

الجميل

..


صح لساااااااااااااانه..


....

صح لسانه ولاهنت ياطيب

صح لسسسسان الشاعر العلم والف شكر غلى النقل