السلام عليكم..


عيدكم مبارك..

كل عام وانتم بخير..


لكم مني ابيات غزليه جديده..



جيت اعترف بسرار قلبي لك جهار
ذكراك من بين الحنايا الدقاقي
مفارقك مالي به اليوم مقدار
دمعي تحدر يالغضي باندفاقي
واليوم انا بالي رهين للافكار
والزاد ماله في لساني مذاقي
ياخذني الهاجوس في عمق الابحار
واقعد سهير الليل والجو ضاقي
كله سبب غرون به القلب محتار
ماطنتي بالناس غيره بلاقي
واليا نظرلك والتفت صابك اسحار
من نور عينه مثل شمس الشراقي
راع الهوى لابد تعرضله اخطار
ومن الهوى ماذقت الا رهاقي
ياما من الفرقى تجرعت الامرار
ولافادني دمع العيون الطفاقي
تسوق رجلي لصحاصيح الاقفار
ومن المشي رجلي بلاها شقاقي
هذي وصيه داخل الفكر تحتار
من الوصيه شد فيها الوثاقي
لابد.. من درب لنا فيه معبار
من الحكي (تـعبـيـر كثر اشتياقي)



وسلامتكم..


اخوكم:فايز جزا الحربي