الهيـــــــــــــلا *** منتدى قبيلة عتيبة - جديد جابر هايف (( العنفوان ))

بسم الله الرحمن الرحيم

أقدم لكم جديد الشاعر الكبير / جابر هايف العتيبي

وهي بعنوان (( العنفوان ))

وصلت أنـا لمرحلـة أقـرى بصلاتـي القصيـد
وأقول للـي بداخلـي وضـيّ بدمـيّ وأسجـدّي
ومن بير قلبي أغرفي بدلوّ الغـلا وحبـل الوريـد
الخافق اللـي يبّستـه أيـام عمـري لـك نـدّي
أسرح وأنا العبـد المصلـي فرضـي لله المجيـد
وأطيح من طولي وأنا المُجنـب بثـوب المهتـدّي
يارب تكفـى طالبـك ابـدأ حسابـي مـن جديـد
وأغفـر ذنوبـي كلهـا وأنـا بغرامـي ببتـدّي
أستغفرك وأتـوب لـك يالله مـن طغـيّ العبيـد
إني أنـا عبـدك ولـد عبـدك وجـدي وولـدّي
يالله عفوك لاطـرت موهوبـة الحسـن الفريـد
ودي أحط أصابعـي بجلـدي وأشقـق أجسـدّي
تطلق سراح العنفـوان اللـي تكبّـل بألـف قيـد
كنـي قبـل عظيمهـا مخنـوق جمـري ببـردّي
كم شفت في عمري بليده جتنـي وكنـت الجليـد
إلا هـذي مـن جليـدي أستـفـزت مـوقـدّي
مؤمـن ياربـي بقدرتـك وأنـتّ تفعـل ماتريـد
فأنـت مـن أراد لــي أن فهـواهـا مـولـدّي
من قبلها كنت الغريب اللي مـن أوجاعـه بليـد
أغتيلـت أحلامـي وكبـدي قطعوهـا فـي يـدّي
ثلثين عمري ضاع بين الغربه وأسـوار الحديـد
صغير ومتبهـذل ولاأدري ويـن خليّـت أبلـدّي
كان الرصيف أجمل وطن يجمع بقايا من الوحيـد
أغفى بحضنه قبل أجـدد مـع عذابـي موعـدّي
كنت الضياع اللي وطى وجه المسافه وكـل بيـد
إلين ملت الـدروب أقدامـي وأزعجهـا العـدّي
حتى الظلام وأسوده يقطر علـى أكتافـي صديـد
واللي جرح جفن السهر ماغيـر دمعـي ورمـدّي
كرهت أبشر أبسعدك أسمـع صداهـا مـن بعيـد
وإن أقترب صوت الصدى يسكت ولا أبشر بسعدّي
حكايتي مـن قبلهـا مثـل الصيـام بـدون عيـد
صايم عـن الفرحـه ولكـن ياجروحـي عيـدّي
أنا الوحيد اللي حكى ونـاح لـه غصـن الجريـد
في حنجرت صوتي سكن حزن الكـلام الأبجـدّي
أنا الوحيد اللي سأل عشق الجنون عـن المزيـد
وأنـا الوحيـد اللـي لقاهـا قبـل باقيـه يغـدّي
من قبلهـا كنـت الفقيـد وبعدهـا ببقـى فقيـد
مدام ماغـرّد شعـوري فـوق غصـن ٍ أحمـدّي
وإن كان راحت وأنكرت نزف المشاعر بالقصيـد
ملزوم أنحر خافقي وأطعّمهـا مـن لحـم الفـدّي

وتقبلوا تحياتي