مبروك يا مترك ولد نايـف الفـوز=في نخبـة النخبـه بعـزم وجـداره
عاداتكم بالفـوز والـرأس مركـوز=من عصر شيخٍ مركـزه فالصـداره
وشلون لا صارت من العرق للقوز=بمسابقـة صقـر الجزيـره بـداره
ما عاد باقٍ يمكـن العلـم ويجـوز=نال الفخـر مـن عمنـا بافتخـاره
يا عيال بن رايق ترى الحمل منبوز=على كتوف اللـي رفيـع اعتبـاره
صميـدعٍ لا كـثرت حمـوله ينوز=يحمل لــواء "نفيعي" برأسه سطاره
ويا اهل النياق الشعل لو طابت غزوز=بطن البحر متـرك يفوز بمحـاره
لا روحـن في سيرهن شكلن جوز=فيهـن من الأحـرار فهـم الاشـاره
و(مدمــره) من بينهن كنهـا الـروز=من جا ينافسهن قنـع بالخسـاره
مدربـه ومقشره تشبـه الـلـوز=ما أحدٍ قناهـا غيـر راع النعـاره
مترك ابن حجنه إلى جالـه العـوز=بالفوز صـدر قبـل يدخـل قـراره
يقول يا أهل الشعل ما عنهن آجـوز=ولا قبل بمركز غير رأس الصـداره
وعساك دايم حـي يا شيـخ وتفـوز=ونكون مع راع الفخر فـي مـداره

المشاركة الأصلية كتبت بواسطة مرزوق حمدان العتيبي (المشاركة 785428) و(مدمره) من بينهن كنهـا الـروز من جـا ينافسهـن قنـع بالخسـاره الله عليـك صح لسانك يامحمد فرحنا بعودتك بقدر فرحنا بفوز متركـ واخوانه من ابناء القبيله ... .. لاهنت

المشاركة الأصلية كتبت بواسطة مزيد العصيمي (المشاركة 785430) صح لسانك ويستاهل ابن حجنه الفوز . اخوك

المشاركة الأصلية كتبت بواسطة عبدالله الجـــذع (المشاركة 785432) الف الف مبروك لابو نايف ويستااهل الناموس وجميع الفائزين من الهيلا صح لسانك مدد يالغالي محبك .