هاجس الأشعار سر يمي هتـوف= خابرك دايم تحقق مطلبي
ويابيوت الشعر إصطفي صفوف= في ميادين القوافي واطربي
سمعي شاعر بني وايل حروف= وخلي المعنى وسطها مختبي
حرت مابين المشاغل والظروف= وفي همومي فكر بالي يسهبي
ماخبرت الذيب يجفل من خروف=لين صار الذيب فالمشي يحبي
يازمان استأسدوا فيه الضعوف= لين نالوا فيه من عرض النبي
واقع الأمة يابن وايل كسوف= وهمنا فالمأكل وفالمشربي
واقعٍ مايعجب اللي له يشوف = ولايسر إلا الخبيث الغيهبي
زمجري بالحق ياحدب السيوف = وياخيول الله سيري واركبي
دون عرض المصطفى حنا وقوف = ولحيةٍ ماتنتصر له تتربي
ننصرة ولربنا نرفع كفوف= وإنتضرع للعظيم ونطلبي
يالله إنك تنتصر له يارؤوف= من عدوٍ بالرسالة كذبي

دون عرض المصطفى حنا وقوف =ولحيـةٍ ماتنتصـر لـه تتربـي
ننصرة ولربنـا نرفـع كفـوف =وإنتضـرع للعظيـم ونطلـبـي

صح السانك يامازن والله يجعلها في ميزان حسناتك