بكى قلبي ..و فرت دمعتي مما جرى فيّه = و بان اللي ..مخفّى من سنة ..في داخل أعماقي
و ألا ..يا فكري أكتب ..قصة الحب .. الحقيقيّة = و كيف ..إن الحياة ..يصير فيها .. جمع و فراقي !!
حسافة .. يا زهر ..وشلون مت .. و جنبك الميّه = أحسب الما .. يغذي تربتك .. و الجذر .. و الساقي!
حبيبي و المحبة .. ما بها ..نيات ... ملويّه = علامك ..ما تحس ..بـــ لوعتي ..يا زين ... و أشواقي ؟
على قلبي .. بسكينك .. كتبت أقسى ..وداعيّة = دخيلك ...لا خذيت القلب .. لا تترك لي .. الباقي
خلصنا ..ما نبي فالحب ..لا روحه ... و لا جيّة = عسى حب(ن) ...يهين النفس .. في تسعين طقاقي
طفت جمرة غلاك ... أللي من أول ... نارها حيّة = ومن ..ذكرى المحبة .. و الغلا .. ما باقي(ن) باقي
مدامك .. يا حبيبي .. تجزي الحسنات .. بالسيّة = أبا .. جنّب طريقك ... و أبتعد يا شرس الأخلاقي
صحيح .. إن المحبة من ..كثير الناس .. مبليّة = يحسبون .. المحبة .. سلعة(ن) ..في وسط الأسواقي !!
و أنا لو كان ..ما عبرت به .. ميه على ... ميّه = على قول المثل ... ما نيب .. مرضي كل .. الأذواقي