يا ذيب ياللي كل ما تقنب عواك=والطيب من يمناك .. والعز ممشاك
اخايلك .. كن السحاب يحبيلك=وانته على المرقاب بيتك وملفاك
لكن .. ليا زاد الدهر في جنونه=لا تامن العاقل // ولا تغسل يداك
خلك على الدرب الصحيح .. وتوقع=من رفقة اللي رفقته شر يصلاك
خوي خوي .. لكن ليا زارك الهم=والناس حولك راح عنّك وخلاك
ما ينفعك نفعة ضرير ٍ ومكسور=ان كان ما غثرب ردى خوته ماك !
يا عين من يقنب عواه لعربنا=اللي ما بين زقاره وعود مسواك !!
حال ٍ تشيب إله الرموش المظاليل=اللي ليا سلهم طرفها تعداك
يا ذيب .. والحال متردي وملحوظ=شي ٍ اسولف به وشي ٍ تخفاك
لا صار حب الكوع ما ينتصدق=واللي عطاني نعمة الشوف واعطاك
انا نحب الكوع في كل ليله !=ونشكي طغا بوش المغطرس لشيراك !
وتروح منّا كل عامين دوله !=واليا قفلنا باب ينفك شبّاك !
وتطيح فوق اهل اللحى والمساجد= ممشى على جمرٍ وممشى على اشواك
ما عاد ندري وش يبا الغرب منّا ؟ = من عقب سرق املاك وتقطيع الاسلاك
ذل ٍ نعيشه مير عنه انتكابر=وعيونّا عند الثريا والافلاك !!
راحن ٍ ثلاث سنين مدري دبلها=وانا اتحرى جيتك واتهقواك
يا ذيب .. ماني طالب ٍ منك فزعه=لكن ليا شفت العرب .. اقنب عواك

فيصل الثبيتي