ياقلبي اصبر وانـت قـد المهمـه= تراك منت اللي مفارق لك احباب
ومن الهوى والحـب مافيـه همـه= ضاعت حياتي كلها شوق وعتـاب
كنت اتوجه به علـى كـل يمـه =لكن راسي شاب والعمر ماشـاب
ابغى الجواب اعن السوال بمتمـه= ليه الوفاء والصدق محجوب بحجاب
ماعاد في هالنـاس امانـه وذمـه= واللي يقول الصدق كاذب ونصاب
لكن فيـه الخيـر برجـال الامـه =وكلن بميقافه يدون لـه اكتـاب
وراع الوفاء والطيب محدن يذمـه =معروف في طيبه من اقراب واجناب
والداب لاتحذر منـه غيـر سمـه= يلدغك لدغه ماتلاقي لها اطبـاب
مثل الـذي هرجـه بغيبـه ونمـه =يمشي وفظهور الرياجيـل يغتـاب
ابااعتلـي بالعـز فـي راس قمـه =واتيه عن درب الرداوي والانشاب
شاعر وعرق الشعر يجري في دمـه= والبيت مايبنى بلاساس واطنـاب
وانا وريث الشعر وخالـه وعمـه= واللي يعاندني يراجـع فلانسـاب
والمجد ملبوسي من كمه ال كمـه= مادام انا عتيبي ترا الظن ماخاب
وابفخـر بدينـي ودار الائـمـه= داري سعوديه وللمجـد محـراب
واللـي يعادينـا تجيـه المطـمـه= نارد حياض الموت شفن ومطـلاب
واللـي دروب المرجلـه ماتهمـه= ياليـت ربـي ماكتبلـه انجـاب