الفكر شوش وهو منولن هادي=من يوم غناله الشاعر مواويله
الشاعر اليي لبدع القاف معتادي=بيني وينه علوم كبار ومهيله
من ضاع جعله يروح بغير معوادي=يافهيد فوق الطويله لاتناديله
دامه يشوف الطريق وعنه متحادي=السوق مانته مكلف في مهابيله
عواد كبه ينادي باسم عيادي=ومن زل في حقوق خلق الله ياويله
هذا زمان الذيابه فيه رقادي=وتلقا الثعل فالمساري راكزً ذيله
والناس فيهم صدوق وفيهم ربادي=والطيب كلن يباه وصعب تحصيله
والشعرراح الضحيه يابن الجوادي=يافهيد من كثرة الشعار عزيله
رشيد قال الشعر كورة هل لنادي=تشاوتوه المهبل وانهكو حيله
ضاعت معانيه ورسومه والاعتادي=بين الحداثه وبين شعيل وشعيله
اهل المعاوش تسابق داخل المادي= وكثير منهم على قولتك ماصغيله
والجزل فانظارهم تقليد ومعادي=والي مورا لاتنشد ويش وريله
وقبل سلامي عدد مادن رعادي= وعداد تسبيحة المسلم وتهليله

المشاركة الأصلية كتبت بواسطة عبدالله الجـــذع (المشاركة 790902) كلنا ذاك الرجل الذي انتظر الرد على تلك الشامخه وهاهو يصل ليبهجنا ويمتعنا فهيد قدمت انت واخونا سعد شعر يستحق الاشاده الف شكر لك وصح فكركما وقلبكما محبكم .,

يامرحبابك

تراجيب المطر

لك من الله عندي معزه وتقدير

وصح بدنك

ولاهنت على تواجدك الكريم

تقبل اطيب تحيه واعز تقدير

المشاركة الأصلية كتبت بواسطة مرزوق حمدان العتيبي (المشاركة 791316) .. . فهيد صح لسانكـ ... وصح لسان سعد ووفيتوا وكفيتوا...