بسم الله الرحمن الرحيم

السلام عليكم ورحمة الله وبركاته اما بعد

إخواني أعضاء المنتدى يسرني ويشرفني أن اهديكم ابياتي آملآ أن تلقى قبولآ لديكم ولكم تحياتي

ياإمروء القيس ياجساس ياسالم الزير
يا كليب يا همام يابو عباده
ياأهل الجيوش اللي تشق الطوابير
أنا بغيت المختصر والإفاده
أنابغيت الحق والصدق والخير
بالمرجله وعلومها والرياده
اللي فتح بابه وفا للمسايير
بحل وإلا يستحق الإباده
طيبه كذا مافيه أيات تزوير
هذا هواه وغايته ومراده
لاجوله الضيفان ساق التباشير
قمة مناه وفرحته والسعاده
ماتحفظ بنوك الوطن له دنانير
الطيب هو عدته وعتاده
طيب وطيبه طيب مافيه تبذير
ماالقصد من طيبه يبي إستفاده
ياهل ترى ينعد مع الأساطير
وإلا يذل ويندفن في عناده
الوقت هذا غير الحال تغيير
وقتن به الخاسي ينال السياده
هذا زمان المهزله والمخاسير
والدنفسه واللي سعو باالبلاده
المال يرفعهم مع دهنت السير
صارو من طوال العمر والسعاده
ممدوح المشيط