ليتني مارقيت الحيـد عصر الربـوع=حن قلبي على الماضي وقلبي طـري
يتذكر مليح الوصف زيـن الطبـوع=اه وابـري حالـي من زماني بـري
لا طرالي يفز القلب بيـن الضلـوع=كنه الجاني اللي شايـف العسكـري
اخفي الهم في صدري واكض الدموع=وأعذل العين عن حبه واقول اصبري
فالصلاة يخشع قلبي وكلـي خشـوع=ثم يطري علـي وينكسـر خاطـري
أطلب الله يبيحه في سجود وركـوع=له معزه بوسط القلـب محـداً دري
قلت ياروح وقتاً فات صعب الرجوع=قالت انته بحكمـك ظالـم ومفتـري
قلت لله انـا فالحـب مانـي قطـوع=قالت أنهض نزور الزين وش تحتري

المشاركة الأصلية كتبت بواسطة السميــــــري (المشاركة 803665) لا طرالي يفز القلب بيـن الضلـوع كنه الجاني اللي شايـف العسكـري اخفي الهم في صدري واكض الدموع وأعذل العين عن حبه واقول اصبري ياسلام على هذه الدرة الثمينة ..! صح لسانك يالنشمي ..

المشاركة الأصلية كتبت بواسطة سعد بن مطلق المقاطي (المشاركة 803691) صح لسانك على الابيات الرائعه يابوفهد