ياراكب اللي علاها قش= ددسن جديده ومنقوشه
من الوكاله علاها رش= ماهي قرنبع ومقروشه
شكمانها بالرطوبه بش= واربع كفرات مفروشه
تهش دعب الخرايم هش= وليا مشت مشي مخروشه
عن دربها ياخبل انحش= وخل المسارات مفتوشه
وتحش عشب البراري حش= وخصوص لن جات مجروشه
بمقدمتها دبل ينعش =وبطنها الطعس ماينوشه
ولاهمها الوحل والرش= دايم لها الارض مبروشه
يشهد لها كل راعي طرش= او عربجيٍ وله شوشه
ولاجالها طقطقه وقرش= يابان ماهيب مغشوشه
وسواقها للعمامه طش= إنشد هل العقل ودشوشه
مركب غني وبعد مقرش= ولاعانقت ذاك لقروشه
عذراً وتسمع خطاها وقش= تنحب ماهي بمكروشه
إليا أقبلت العصار تنش= ظبيٍ تخوف من الطوشه
وإليا عرضت كالسحاب يبش= واحياء صراميد معروشه
وإليا أدبرت مثل سبعٍ دش= واقفى بعد خم عرموشه
مهاره اللي نقشها نقش= لاعابت إيداه ونقوشه
يبان تملك كراس العرش= وخبيرها يمس طربوشه
وديكورها يحتمل للنبش= والطاقم الشمس ماتهوشه
ضد الحراراه وضد الهبش= ومراتبه شبه مرشوشه
بأحدث طرازٍ كساها الفرش =من اجمل الخام منبوشه
والطاره اللي تلف بنش= وتهوز من اول النوشه
وطاقم هوائي بمكره ونش= ونسيمها مطيبك موشه
والطاقم اتقن لزر القرش= غرفه تماتيك مع حوشه
فيها تعلق انيس ووحش= وذباحه لكل مربوشه
مع كل ريعٍ تجي وتخش= تنقش ماهيب مقشوشه
واللي شتمها بخمسي كش= في وجه من طالت ارموشه
تسبق مفاتيحها بالنتش= تنتش ولاهيب منتوشه
قيمه وسيمه وزاد وعش= وتعيش لو قيل منغوشه
وفالهربده مثل شارب خرش =تمشي ولو كان مخدوشه
تعيش لو الرفارف حرش= والمرتبه بحبل محفوشه
تصبر وتسعى بعيانٍ عمش= كنز مايفنى من اقروشه

المشاركة الأصلية كتبت بواسطة خالد نوار العتيبي (المشاركة 808707) فواز علي السريع الروقي عساك بخير أنشاء الله تكون دوووم بصحة وعافيه صح لسانك قصيده جزله بارك الله فيكـ تحياتي لك أخوك أبو نوار الدلبحي

ههههههههههههههههههههههههههههههه:):):)
مبدع كعادتك يافواز الروقي...
وانا اؤيدك على هذي القصيده ..خصوصًا ان الددسن مهضوم حقها من الشعراء ...لاهنتوصح لسانك ..والله يعافيك ..ونتمنى المزيد من قصايدك ...

المشاركة الأصلية كتبت بواسطة هايل العتيبـــي (المشاركة 809574) ههههههههههههههههههههههههههههههه:):):) مبدع كعادتك يافواز الروقي... وانا اؤيدك على هذي القصيده ..خصوصًا ان الددسن مهضوم حقها من الشعراء ...لاهنتوصح لسانك ..والله يعافيك ..ونتمنى المزيد من قصايدك ...

المشاركة الأصلية كتبت بواسطة خالد عبدالله القداح (المشاركة 810418) الاخ فواز السلام عليك ومساء الخير وعساك بخير لاهنت والمهم انك عبرت عن رايك في ددسنك ومادامك معجب بها لايهمونك اهل الجيوب وجميع السيارات وسيله وليست غايه وان قالوا لك هل الجيوب شي قلهم المصطفى صلى الله عليه وسلم ركب الحمار او علمني وانا اوريك فيهم عيال 000000 تقبل تحيات اخوك القداح