يا هيه ياللي تبختر وأنت عابر سبيل = استشعر الخوف قبل الموت من ذا الجلال
احذر تغادر من الدنيا بحمل(ن) ثقيل = الله وسيع(ن) جنابه وأنت عندك مجـال
الله يبسط يـده للناس في كـل ليل = حتى يعوّد من أذنب عن طريق الضلال
ويبسط يده في النهار لمن يعّود ذليل = ليا ارتكب له معاصي في قديم الليال
لابد ترحـل ولو انك كرهت الرحيل = هي سنة الله في خلقه على كل حـال
جيل(ن) يشد الرحيل وجيل يأرث بديل = ما يأخذ إلا نصيبه ثم يشد الرحال
دنيا الشقاء والمصائب والمتاع القليل = تبدو سوات الظلال وتنتهـي بالزوال
هذا كــلام الحقيقة ما يبى له دليل = أوضح من الشمس حزة ما يميل الظلال
اصبر على شدة الأيام صبر(ن) جميل = تـرى دوام العمر والمـال شي(ن) محال
مئة سنة كنها للشاب عمر(ن) طويل = لكـن للكهـل تبدو كنهـا كرنفـال
كأنها حفلة(ن) دوامـها مستحـيل = تجمع الناس وقت وينتهـي الاحتفـال
وشلون حالك ليا حطوا عليك النثيل = وقاموا يعزون فيك وذاك وقت السؤال

تسلم أخو عبد الله الجذع على الشعور الطيب

والخلق الحسن تقبل حياتي . دام وجودك

حياك ربي أخوي ابن صنهوت

تقبل الشكر والتقدير لاهنت

صقر الزراريق

صح بدنك وطال عمرك

أخوي تحياتي وتقديري

حاكم الغنامي مشكووور أخوي

الله يعطيك العافية

على المرور

لاهنت