سمعت قاف( ن)حلو راقـي=واعجبني القاف ياطيبـه
راعيه يشكي الهوى وشاقي=في حب مزيونه صعيبـه
لا ياعشق معـك عشاقـي=دوك النفاعي فرن جيبـه
حب البنـي سـم دفاقـي=يسري مع الـدم ويعيبـه
ومثلك انا بحر الاشواقـي=غرون سبا عقلي بطيبـه
ما داج في وسط الاسواقي=ولا شيف بالسوق يمشيبه
هافي حشى زين الاذواقـي=وردف الغضي يطوي ثويبه
وطلة جبينه لها اشراقـي=تطوي الدجى ثم تصحيبه
والعود مالت بـه اعذاقـي=خوخن ورمـان يدليبـه
وله منطق وصوت سراقي=يذوب بالسمـع ويذيبـه
واهل الحسد سبة افراقـي=سعـو لحبـي بتخريبـه
قفـى ولاحـل الاوثـاقـي=وصدق بي الشك والريبه
وجدي على عذب الارياقي=ليـت المنايـا تجينيبـه
ومن يطرد الزين مالاقـي=شبـاب ولا بعـد شيبـه
لكـن لـيـا لاح بـراقـي=في ذالزمـن لاتهقويبـه
ولو شفت مزنه دنا واقـي=صلف الهبايـب تتنحيبـه

المشاركة الأصلية كتبت بواسطة ابن صنهوت (المشاركة 811775) ما داج في وسط الاسواقي,,,,,,,,,,ولا شيف بالسوق يمشيبـه صح السانك ياسلطان

المشاركة الأصلية كتبت بواسطة زياد الشطيطي (المشاركة 812104) صــح اللــسانك يالنفاعي وعلى شــــانك كتــبت فابدعــت كالــعاده والله يخــارجنا من الحب:) تقــبل مــروري واحتــرامي